سلمتة عليهو وبقا يقول لي عاوز الكلام من طقطق للسلامو عليكم المهم وريتو وهو قال لي امبارح لما ضربتا ليك كلمتة المعز اخوي قال لي معقول تقبل بواحد وهي ما عاوزاهو صاحبتك ظاهر عليها عندها شخصية بس تقبل زول ماعاوزهو بتكون ضعيفة وما صاحبة قرار قلتة ليهو وهو اسي بيقبل بامك تختار ليهو دا بيكون عندو شخصية انا ماحبيت اكسر كلام ابوي قدام الناس تلفوني ضرب قلتة الو لقيتو عريس الغفلة سالني كيفك قلتة ليهو تمام قال لي طبعا ماسنحت فرصة اقعد معاك اجازتي كانت اسبوع قلتة ليهو مافي مشكلة قال لي بتتكلمي بدون نفس مالك قلتة ليهو انا في محاضرة قال لي خلاص بتصل عليك بعدين قفلة قلتة اففففف مهند قال لي ماتتافافي دا اول اتصال قلتة ليهو ايوا قال ليه تفصلي في وشو كدا قبلتي بيهو لي لو اول مكالمة ليهو معاك قفلتي نفسو قلتة انت ماعارف النفسيات الانا فيها انطما اسكت قال لي خليك واضحة في الامور دي لانو مافيها هزار سكتة منو دخلتة محاضراتي مافهمتة شي بقيت سرحانة في العملتو في روحي طلعتا مهند كان ماشي وراي قال ماشة وين قلتة البيت قال لي انا برضو مستني المعز استني نوصلك المواصلات السخانة شديدة والزحمة قلتة ليهو نسيت اديك حلاوه شالا مني قال المعز بكره راجع قلتة ليهو عمل شنو في موضوع سهام قال لي سهام قالت ماعاوزا تعرس والمعز امي مصره تخطب ليهو الليلة قبل يسافر قال لي البت موافقة بس هو قلتة ليهو احتمال بيحب ليهو واحده ماتميت كلامي العربية وقفت مهند قال لي اخو وصل جيهان الموصلات قال لي اركبي فتح الباب البورا ركبتة قال لي مبروك مهند قال لي جيبي حلاوه اديتو ليها اداها اخو كان ساكت ماتكلم مهند قال ليا الاخ الليلة برضو ح يخطب قلتة ليهو مبروك ابتسم ابتسامة بالجمبة قال لي خلي يخطبو ليهو هو انا ماعايز اتكلم في الموضوع دا سكتنا مهند قال لي اخو اقيف لي جمب المكتبة دي اديتم شغل يعملو لي عاوز اشوفو انتهى دخل لقيت معز بعين لي بالمراية قال لي اسف علي تدخلي بس مهند قال انتي ماعاوزا العريس الخلاك توافقي شنو قلتة ليهو ماحبيت اكسر كلام ابوي ادهم كلمة قبل مايسالني بس ماعارفة اتخارج من الخطوبة دي حاسة اعصابي حتنفجر انا عندي طموح اقرا واشتغل واساعد ابوي دا كلو مابقدر اعملو مهند جا ركب العربية اتحركنا لقيتو ماشي مهند قال ليهو شنو يامان نسيت الشوارع ابتسم قال ليهو انا بكره مسافر قلتة اعزمك انت وزميلتك غدا واهو بالمرة ندردش شوية مهند قال ليهو ايو كدا من جيت ما عزمتني واتلفت علي قال لي زمان كل يوم والتاني عزومة بس الحجة بتكون الليلة مجهزة غدا الوداع دخلنا مطعم علي شارع النيل انا ماقدرتة ارفض كان نفسي في مرقة زي دي لما قعدنا معز قال لي تعرفي ابوك زكرني بابوي كان كريم زيو لم حلف مانمشي الانشرب حاجة والونسة جرت وجابو لينا ماخلو شي وانا صراحة ماعرفتة اكل كويس مهند متعوده عليهو بس معز اول مرة بلعتو غابتو بليع سالني العرس متين قلتة ليهو دا اذا كان في عرس ح اشوف لي طريقة اتحلا من الخطبة دي انا حاجة مامقتنعة بيها مابعملو لو شنو داك واسال مهند مهند قال لي لو ما اقتنعت بشي مابتعملو جابو لينا التحلية دي اكلتها ومرقنا وصلوني قبل ما انزل قلتة ليهو فرصة سعيدة اني اتعرفتة عليك وبشكرك علي الدعوة والتوصيلا وطريق السلامة قال لي انا الاسعد وربنا يديم الخوة والصداقة بينك وبين البطل دا وخلي بالك منو نزلتة وهم مشو وانا ركبتة الحافلة قعدتة علي الشباك وماعاارفة تفكيري كان مع المعز ومع كلامو معاي ومتواضع ماتقولي جراح في لندن انسان بسيط وكلامو عادي يعني مافيهو النفخة الكضابة البيتغمصوها الناس الماتسوى تعريفة وصلتة البيت لقيت خالتي ومرة عمي وبتها وعمتي برضو جات هي واحدة وباركو لي وعمتي زعلانة عشان ماكلمنها
يتبع....
