نهال وبناتة مشو بيتم بس ابوي يحنن قال لي امي خايف اموت والبنات ديل الرجال يلعبو بيهم امي قالت ليهو حظ بناتنا كعب دي قسمتن ابوي فال ليها عبير مالا كمان امي سكتت قالت ليهو بسم الله الجاب سيرة عبير منو انا قاصده نهال ابوي سكت هو النوع الكتوم تاني يوم من الصباح ابوي مشي لي عبير لقها رابة الشكله 😂😂😂مع حماتة وكت دقة الباب سامع حماتة بتقول ليها ياخملة انتي ما مرت اخوي بس قسمتو الرمتو فيك واختي تقول ليها اخير منك بخمالتي دي عرستو اريتك انتي يالنشيطة ونضيفة تفكي بورتك في الساعة دي سمعت الباب مشت فتحتو لقتو ابوي سلم علي حماتة ونسيبتة قالت ليهو اسمع ياخوي بتك بتنبز بتي بتقول ليها يابايره بتك بتتكلم في القسمة والنصيب وكل يوم منجضانة بالمشاكل اكلت لحم ولدي اختي شافعا قعد يبكي مشت ترضعو ابوي قال ليها انت ما بتي الربيتة دا كلام شنو عيب عليك اختي قالت ليهو يابا الولد صغير في يدي ودايرين يتكلو الشغلة فيني انا فترتة يابا ومابحسو نسيبتي زاتة من تشوف ولدا تقعد تشكي ليهو مني ابوي ادها من التقيل ومشي اعتزر لي نسيبتة قالت ليهو نحن عاملين ليك خاط انت ابوي يحليلو ضغطو ارتفع وجا راجع البيت انا عبير ضربت لي قلتة ليها عندي محاضرة اضربي بعد ساعة المهم انا زاتي قلقتا بعد المحاضرة شلتا تلفون مهند انا ماعندي رصيد اتصلتا عليها حكت لي مهند قال لي قرضتي رصيدي بشماراتك انتي واختك حكيت ليهو قال المسلسل دا ماعندو نهاية قعدنا نضحك 😂مشينا قعدنا في الكفتريا جاب لي شاي قال لي اشربي بيكون راسك وجعك لما رجعتة البيت لقيت عادي سالتا امي قالت لي بري في خشمو ماجابو لي ابوك مابتعرفي قال ضغطو نازل عشان كدي رجع البيت ضربت لي رجا صاحبتي بتقرا في كلية الاداب قالت لي بكره بجي عليك اتونسا وقالت لي عندي ليك شمار قفلتة منها هديل قالت لي دقيقة تلفونك عاوزا اضرب لي صاحبتي اديتة لي ومشيت رقدتة صحيت جسمي مكسر وكنتة ماعاوزا امشي الجامعه اتزكرتا رجا جاياني اتلبستا ومرقتا رجا جاتني للضهر لقتنا قاعدين نتونس قعدت معانا مهند جو اصحابو مشي عليهم رجا قالت لي جاك عريس قلتة ليها يعرس ركبيك القال ليك دايره اعرس منو قالت لي يابت ولد عز واكل وز قلتة ليها وكت عاجبك عرسي انتي قالت لي ماسالتيني منو قلت ليها ماعاوزا اعرفو قالت لي بتتزكري وكت مشينا نغير سلسلي حق الدهب الولد الحليوه الاشترينا منو رجعتا اصلح حلقي قال لي جيتي والله جابك انا عاوز تلفون البت الجات معاك المره الفاتت قلتة ليهو خير قال لي انا بصراحة عجبتني وباين عليها بت متربية كويس قلتة ليهو دي بت علم مابت عرس قال لي شاوريها ولو موفقة انا بجي اخطبا قلتة ليها هو بيعرف عني شنو شاف شكلي مابيعرف جوهري وداير يعرسني غايتو الرجال ديل غريبين خلاص وانتي الجاية تكلميني اغرب منهم قالت لي غايتو عملتا العلي كدي النمش احاول الفت انتباهو احتمال يعاين لي وعلي كدي مشت مهند ضرب لي قال لي عندي مبارة بتاعت كورة رجعتي البيت ولا لسة قلتة ليهو في الموصلات وصلت البيت وكانت الايام البعديها مرت عادية مافي واحدة من اخواتي جات شكت جات جارتنا في الحلة لقتني اكنس في الحوش قالت لي ابوك في قلتة ليها اتفضلي دخلت قالت لي ابوي عاوزة لي حافلة بتاعت عدة ابوي قال ليها اديني اسبوع انتهي من الشغل ال في يدي دا واشتغلا ليك مرقت ابوي قال لي ماشي اشوف حاج مضوي اخوي عيان قالو انتي وامك تعالو وراي كلمتا امي قالت لي مالو ياختي عمك ماكان شديد ولضيض امس لاقاني وسله لسانو فوقي قال لي مليت اخوي بنات مشينا بيت ناس عمي كفرنا ليهو بتي عمي واحدة واصغر مني بسنة وعندو اربعة اولاد مراة عمي قالت لي ما جاك عريس امنية بتي الخطاب يطاقشو شي مغتربين وشي تجار امي قالت ليها ياواحد الله امنية حلاتة تستاهل ونحن جيهان هي البتابا العرسان دايرة تكمل قرايتة مرة عمي قالت لي امي ان شاء حظها يكون احسن من اخواتة مدثر ولد عمي جاء داخلي قال لي اوووو بنت العم مشرفانا امو قالت ليهو كدي سلم علي عمتك قاصدة امي سالتو كيف اخبارك قال لي كلو تمام وعمي ماجا معاكم قلتة ليهو بيقادي مع عمي في الصالون مدثر عاجباهو هديل اختي بس امو مابتخلي يعرس مننا لما جينا طالعين قال لي هديل مابتسال من عمها ولد عمي قاري محاسبة وماسك لي عمي الحسابات وعمي عندو دكاكين في السوق مرتاح بس مابساعد ابوي يعني كل زول في حالو وصلنا البيت ضرب لي زميل
يتبع.....
