مهند قال لي انت والدكاتر عملتو لي زميلتي رعب مهند قال لي اخو لو شفتها المره الفاتت لما شمت البنبان عملت عمايل ونطتة سور عالي قلتة ليهو براي النطيت ما كلمك هو واصحابو جرو وبقينا انتزكر اليوم داك والحصل فيهو وصلوني لحدي خشم الباب قلتة ليهم اتفضلو وشكرا علي التوصيلة نخدمكم في الافراح ابوي كان جاي علينا سلم عليهم وكلمتة ابوي انو دا زميلي مهند واخوه المعز هديل اختي فتحت الباب لما شافتنا قفلتو سريع قلتة لي مهند دي هديل ابوي حلف عليهم اعتزرو وانو مهند عندو مواعيد في الدكتور ابوي قال والله في عربيتكم تشربو شي مشيت جوة خليتم مع ابوي واقفين تحت الضل بتاع النيمة الجمب الباب جبت ليهم عصير بارد كل زول كباية اصلو امي متعودة تعملو لينا نحنة البنجي تعبانين وتختو في التلاجة شربو ومشو انا دخلتة بجاي وابوي دخل هديل جرتني قالت لي دا مهند زميلك والماعاهو منو واي من النضافة والسماحة قلتة ليها يابت بطلي قلة ادب دا اخوه قالت لي اخو السرور ياخي دا كسار عديل انا ادشدشتة انتي راكبة مع الجمال دا كلو الناس دي عايشة في كوكبنا دا قلتة ليها اسكتي شوية دا دكتور في لندن ماهنا قلتة ليها الدقيقة الفتحتي فيها الباب شفتي كل دا ياغلوصة قالت لي تميت المعاينة باخرم الباب ههه شلتة غياري ومرقتة مشيت الحمام استحمى اتزكرتا المعز دا نضيف نضافة اضافرينو بووويض وشعرو اسواااااد وجزمتو تقول مانزل كراعو في تراب دا غير العطر الريحتو خراااافية ياربي مالو ماعاوز يعرس يكون بيحب بت تانية وامو رافضة ماشاء الله عليهو وظيفة ومركز ووسامة مافي شي ناقصو اابتسمتة براي قلتة انا مالي طلعتة من الحمام مشيت شربتة لي عصير امي قالت لي اتغدي ونومي قلتة ليها فترانة غمضتة عيوني اسمع بعد شويتين اختي نهال ابو النوم قومي نحنة الليلة جيناكم هديل قالت ليها خليها جات تعبانة بجنس عربية انا قمتة خبطها بي شبشبي نهال قالت لي قالو الليلة جيتي بعربية اخر موديل قلتة ليها ادتك الشمار سالتها وينو راجلك قالت لي قاعد بره مع ابوي امي جات سالتة اتغديتو ولا اخت ليكم مع جيهان قالت لي امي اكلنا بس البحر مابيابا الذيادة مشيت سلمتة وجيت اتوضيت وصليت امي ختت لينا فتة عدس وسلطة خضرا اختي وبناتة اكلو قالت لي الولد الجابك خاطب قلتة ليها وانا العرفني شنو اخو زميلي وزي اخوي مابعرف شي تاني اكلي اكلك قعدتة تضحك قالت لي ياعويرة قالو دكتور خليك نجيضة ومفتحة زي بنات الزمن دا وسوي ليك حبة فسخة وجلخة بدل قاعدة بكشتك دي قلتة ليها شبعتة مسكتني ها العويرة دي بهازر معاك انا قلتة ليها انا شبعانة اكلي بناتك بالليل هديل قالت لي ماشة البوتيك عاوزا لي كريم قلتة ليها هي وينا القروش البتمشي بيها البوتيك قالت لي بلم مصروف المدرسة قالو بيعملو خلطات سمحة قلتة ليها وشك نضيف قالت لي اسي ماشة معاي ولا ما مشا قلت ليها بقيتي شديدة من المرض وتكوسي في الكريمات كل واحدة لفحت توب ومشينا البشوفنا بيقول تومات هي ماشاء الله اصغر مني بس لحقتني في الطول وانا وهي فينا شبه ونوع وشوشنا ناعمة طبيعي بس هي لازم تجيب الكريمات من دخلت الثانوي بقي دا حالة في الشارع تقول لي انتي جارية كدا مالك بعد شوية اشوف ولد عمي ماشي ورانا بعربيتو وقف وسلم علينا قال لينا اركبو اوصلكم مكان ماشين قلتة ليهو واصلين قريب شبت المفعوصة قالت ليها ماشين البوتيك اركبي خلي يوصلنا مشيتة ليها وركبتة انا عارفه مدثر ولد عمي عاجباهو هديل اختي وهي زاتة بس انا عاوزها تتم دراستة قال انزلو شوفو دايرين شنو وانا بنتظركم ارجعم قالت ليهو تمام انا قلتة ليهو مافي داعي وكتر خيرك قال لي كدي خشو دخلنا قرصتها في يدها قالت لي مالك مش ولد عمنا وزي اخونا بعد شويتين اشوفو نزل ودخل هو كمان ولقينا بت خلو سلمت عليهو وعلينا قال لينا عاوز لي ريحة بقي يختار اختي بقت تختار ليهو في الريحة واشتري ليها ريحه غالية شديد انا كنتة بتفرج علي شباشب هديل ملت كيسة وقالت لي ارح امرقي قلتة ليها متين عمل ليك خلطة وهو مزحوم كدي قالت لي غيرتة راي مرقنا ركبنا وخلينا بت خالو في البوتيك وصلنا الببت قال عاوز اخش اسلم علي عمي دخل جات نهال وامي سلمو عليهو وهديل جرت جابت ليهو شاي مع ناس ابوي وجات لمت الكيس تحت الهدوم انا كان عندي قراية واخواتي مع بنات اختي جاطو المكان غلبتني القراية والسيدة هديل بره تتونس😂القلب ميت قراية مافي مدثر فات جات جارية لي ورتني ماخلت شي ماجابتو يابت جبتي قروش من وين قالت لي مدثر قال شيلي الدايراهو وانا شلتة ولد عمي بحركات دلع قلتة ليهااصبري لو ماكلمتة ليك امي بقت تحلف فيني وتسلم علي في خدودي وبخليك تتريحي وتتمسحي معاي عدا اليوم اصبحنا الصباح اختي نهال عملت الشاي ولبست اخواتي وابوي مرق وانا كمان طلعتة وصلتة لقيت المحاضرة الاولي انتهت مهند قال لي الليلة جابتني سهام معاها بدري سالني الاخرك شنو قلتة ليهو مافي موصلات قال لي الليلة شكلو امورك باسطة قلتة ليهو عشان شنو قال لي العطر الرهيب ريحتو ضاربة ضربتو بشنطتي قلتة ليهو بطل قلة ادب قعد يضحك قال لي فلتة شنو انا سالتو من زولتو قال لي عينا قوية جاتنا في البيت رغم اني حزرتها اتخيلي المعز قال لي حدد انت مع جيهان ولا قصتك شنو قلتة ليهو جيهان دي
اختي عديل بقت وبس التانية دي لو الحاجة جابت خبرا
الجدييييد
يتبع....
