اختي نهال جاتنا قلتة ليها مالكم جيتونا الليلة قالت لي اسماعيل راجلي قال ماشي يرقد مع اخو في المستشفي قلتة ليها اخو رقدو متين قالت ليهو تلاته يوم راقد ضربو ليهو قالو تعب وانا مشيت شفتو وجيت تعبان الله يرفعو قالت لي الكان بيتكلم معاك منو قلتة ليها احمد قالت لي هديل قومي ادي بناتي حلاوة هديل قالت ليها هي الحلاوه دي بتلد ما بتكمل 😂😂قعدنا نضحك قالت ليها شايفاك في بيت البكى بايتة واخر خدمة قالت ليها انا كان ماخدمتة لي عمتي ام مدثر اخدم منو شلتة شبشبي من كراعي وخبطها بيهو قامت جارية نهال قالت لي البت دي قهورة اخير نعرس ليها بدري قلتة ليها ماتسمعيها كلام العرس دا البت لسة صغيرة خليها تتعلم قالت لي خطيبك مالو سامعاك بتقولي ليهو مافي مشكله قلتة ليها امو قالت لي احمد جايب ليك موبايل وماجابت سيرت الاب توب وانا قلتة ليها كلمني مشت قالت ليهو انا عاوزا ادي الاب توب اخوك انت كلمتها بيهو اسي تقول علي شنو مافهمتة فهمة شنو وقال لي ماتكلمي اهلي باي شي بقولو ليك ديل من اسي دايرين يعملو لي حركات واوامر هم قايلني فاضية ليهم امي جابت الشاي وبقت تسال في نهال من حماها تاني يوم كان الجمعة راجل نهال جاء من المستشفي وسالنهاو من اخوه قال ادعو ليهو اتغدا معانا ورقد في مظلة ابوي البرة وبقي يلعب في بناتو واختي مشت عليهم انا وهديل في المطبخ نعمل في الشاي ابوي مرق وامي واخواتي الصغار في الاوضة هديل ودت الشاي لي اختي وراجلا وانا شلتة الشاي لي امي ختيت الصينية امي قالت لي الله يكضب الشينة قلتة ليها في شنو قالت لي قلبي قابضني الباب دقة جرت اختي الصغيرة فتحت لقتو حماي اخو احمد ابا يدخل قال ليها نادي جيهان جيت سلمتة عليهو قلتة ليهو اتفضل قال لي مستعجل بس ديل جابم احمد قلتة ليهو شكرا دخلتة كلهم اتلمو يشوفو هديل شالت الموبايل شحنتو ودخلت شريحتي والاب توب ابيت افتحو دخلتو الدولاب ورسل لي ريحة راجل نهال جا جوه ودعنا وبارك لي الموبايل ومشي نهال قالت الليلة اسماعيل حيرني شغال لي الموت دا قريب واخوي شوفي تعبان كيف اسي يموت شديد وهو العيان يقوم والمرض مابكتل وقال لي انا ماشي المستشفي وماعارف ارجع متين قلتة ليهو والمدرسة بكر السبت تعال لينا المغرب قال لي كان الله احياني بجيكم وابقي عشرة علي بناتك هديل قالت ليها ماطوالي بوصيك الجديد شنو ابوي جا ء بارك لي ومشي هديل ماشاء الله نجيضة نزلت الواتس وعملت لي فيس وكمان نزلت لي كم برنامج طوالي شلتة التلفون رسلتة لي مهند وبقي يقول لي متين بقيت عندك واتس واخير ويرسل لي في الوشو 😂😁😊☺🙂والصور والنكت ورسلتة ليهو طلب صداقة في الفيس قبلو وكان برنامج بس كان اي زول رقمو عندي نزلتو واتس لقيت رقم مكتوب مهند اتنين استغربتة قلتة معقولة مهند عندو رقمين رسلتة ليهو بطل الهبالة شنو واتسين وشوش ضاحكة جاني الرد انتي منو قلتة ليهو انا حبيبتك قال لي انتي مجنونة وجبتي رقمي من وين قلتة ليهو مش انت اديتني ليهو وقلتة اراسلك فيهو قال انا متين زكريني واسمك منو قلتة ليهو في زول بينسي حبيبتو قال لي انت بتعرفي اسمي قلتة ليهو مهند صاح وبتقرا في الجامعة بتقرا اقتصاد وعندك اخوك دكتور بره واختك مهندسة وانا اضحك قلتة معقولة مهند رقمي ما جاهو قلتة بيكون سايقني وعامل فيها اطرش او صدق اني بت تانية قال لي وعرفتي من وين بحبك قلتة ليهو اعترفتا لي بحبك والونسة جرت المهم قفلتة التلفون واضحك براي قلتة معقولة دقستو ولا هو عارفني بالليل ونحنة نايمين الباب دقة شديد البيت كلو صحي ابوي مرق وساامعنو بيقول لاحول ولاقوة الابالله وجا كلنا سالناهو في شنو ابوي نادا نهال قالت في شنو قال ليها ان لله وان الية راجعون قالت لي يابوي حماي مات سكت قالت ياحليلو كان طيب وبقت تبكى بكى شديد امي وانا بقينا نصبر فيها الكان جاب الخبر واقف بره دخل وبقي يصبر فيها قال ليها الحادث كان صعب شديد امي قالت ليهو هو مرق من العناية قال ليها ياحاجة اسماعيل بامجادو عناية شنو نهال بقت تكورك فيهو المات منو ماتقول اسماعيل راجلي ابوي قال ليها انت مؤمنة والموت حق علينا بقت ماسكة ابوي قول لي ماسماعيل نحن استوعبنا انو اسماعيل وامي ضربت السكلي ونهال وقعت من طوله وبقينا نرفع فيها والعالم كلو اتلم واسماعيل كان في المشرحة واهل راجلة مافضل زول بيتنا دا مافي مكان تختي كراعك فيهو وعبير
اختي ونسابتة الكلام دا قريب الصبح نهال ودوها المستشفي وهديل ماسكة بناتة غايتو يوم كان صعب شديد علينا
يتبع....
