في الليل الخطيب ضرب كيفك انا تمام هو اخبارك انا تمام هو بصراحة انا اول ماشفتك عجبتيني والوالدة شكرت في اخلاقك وانك شاطرة وتاني بقي يقول في كلام كتير وانا ساكتة قال لي انتي سكوتة كدا ولا خجلانة مني انا قلتة ليهو ما بحب اتكلم كتير قال لي بس انا حابب اتعرف عليك اكتر ولو امكن عاوز صورة وانتي ماعندك لاب توب قلتة ليهو ابدا قال لي برسل ليك واحد ونتونس تاني بالاسكاي قلتة ليهو مافي داعي قالت شنو المافي داعي مابناتنا الكلام دا انا بقيت خطيبك ومسؤل منك انا كنتة بغلي قلتة ليهو معليش بس جونا ضيوف يباركو قال لي لينا بقية في الحديث مع السلامة قفلتة هديل قالت لي لي بتكذبي قلتة ليها ماعندك فيني شغل دخلتة الحمام بكيت بكيت عشان مافي مكان افرغ فيهو الطاقة دي غرفتنا واحدة واخواتتي قاعدين فيها طلعتة غسلتة وشي مشيت سريري غلبني النوم عديل افكر كيف ااسيبو تاني يوم قمتة جسمي كلوو مكسر وعيوني وارمات قلتة لي امي الليلة ماماشه الجامعة حاسة روحي عيانة ضايرتة مع امي والجارات جو باركو مهند ضرب لي سالني ماجيتي الجامعة مالك قلتة ليهو تعبانة قال لي انا برضو ما مشيت عشان اودع المعز اخوي قلتة ليهو امبارح خطبتو ليهو قال لي امي مصرا بس هو رافض لما شاف اصرارة وزعلت منو وهو قدام امي بيضعف مشي خطب البت سمحة كمان طلعت بس بعد رجعنا الزول دا ما نام اسي تشوفيهو تحني في حالو امي قالت العرس بعد 8شهور بعد يجي اجازتو الجاية قلتة ليهو بارك ليهو بالنيابة عني قال لي امسكي باركي ليهو براك وداهو التلفون قلتة ليهو مبروك قال لي الله يبارك فيك ودرب السلامة قال لي الله يسلمك واد التلفون لمهند اتكلمتة معاهو جات عبير اختي علي الضهر حالتة حالة امي قلت ليها مالك قالتة لي امي انا تاني مابرجع لي راجلي الا يعمل لي بيت براي امي قالت ليها استهدي بالله الولد يفوت امو وين قلتة ليها انتي غريبة خلاص هو وحيد امو انت مش قالو ليك اتجنبيهم قالت لي بكره بنشوفك مع النسابة ونشوف شكيتك منهم قلتة ليها انتي غلطان البدخل خشمو معاك بوي جاء وضرب لي راجله جاء وبقي يعتزر انو مابيقدر يفتح بيتين وامو واختو ما بقدر يخليهم وانا عبير قلتة ليها اصبري اختي بكره تعرس وامي دي مره كبير ماتتجادلي معاها بس عبير عنيدة طوالي عبير قالت ليهو انا عنيد وبتاعت مشاكل طلقني وريح امك واختك وانا زاتي ارتاح من العذاب وقعدت تبكي هي بصراحه بتحب راجله بس فترت من المجادلة والمكاوة ابوي ساق رجلا بره وجاء قال لي اختي اقعدي معانا يومين وهو بيجي يسوقك تاني يوم كل زول مرق علي مشاغلو خلينا عبير وامي وصلتة الجامعه دخلتة المحاضرة الاول عبير ضربت لي قالت لي تعالي راجعة عمي اتوفي مهند قال لي في شنو قلتة ليهو عمي اتوفي قال لي بمشي معاك قلتة ليهو مافي داعي وصلتة بيت البكي وكان عمي دفنو ورجعو والدنيا والعالمين اليوم كلو معاهم في المساء رجعتة لقيت عبير وراجلا قاعدين وهو ماسك ولدو شال معاي الفاتحة غسلتة لي اخواتي هدوم المدرسة وختتيت راسي من الفتر عبير عشت الشفع وجات رقدت قالت لي نمتي قلتة ليها لا وبقينا نتونس عن عمي واولادو الحمد لله كبار وماسكين شغلو هديل باتت مع امي عند ناس البكى وابوي برضو من الصباح الشفع مرقو المدرسة نضفتا ومشيت لحقتة عبير في بيت البكى تلفوني ضرب لقيتو احمد خطيبي وامو طبعا بايتة لانها بت عم ناس ابوي عزاني بقة يقول لي اسي في جيتي دي مشيت ليهو وكان كويس قلتة ليهو اسي قال حمى بسيطة ودو المستشفي اتوفي قال لي البركة في اولادو وكيفك انتي وانا رسلتة ليك موبايل ولاب توب قلتة ليهو ماكن في داعي قال لي بين الحبايب مافي حواجز سكتة قلتة ليهو معليش ممكن تتصل بعدين الناس بتعزي فيني قال لي طيب مع السلامة حبيبتي طوالي قفلتة منو في سري قلتة هو الحب قالو كدا اتصل علي مهند واتونس معاي وقال لي الجامعة مسيخة بكره بتجي قلتة ليهو جاية نسيتي قالت لي بتتكلمي مع احمد اشرتة ليها لا بعد مكالمتي انتهت قالت لي احمد رسل ليك موبايل قلتة ليها كلمني برسلو ليك باكر عبير ونهال اختي يضحكن علي قالو لي قومي ادي نسيبتك الشاي والقهوة نهال قالت راجله جاي يرجعة العصر ونحنة رجعنا كلنا رفعو الفراش وصلنا بيتنا مهددين من الخدمة تاني يوم رجعتة جامعتي وكان بتزكر خميس جاني تلفون من احمد قال لي اي حاجة اقولا ليك ماتقوليها لي امي قلتة ليهو زي شنو قال لي امي كانت عاوزا تدي الاب توب اخوي بكري وكانت ح تجيب ليك التلفون وبعد فترة ارسل الاب توب تاني تجيبو ليك بس انا كلمتك وسالتني انا وريت وانا قلتة ليها خلاص شيلو انا
يتبع.....
