رجعتة بيتنا وانا مبسوطة وكمان خايفة امو لو اثرت عليهو احتمال يعرسة اليوم عدا وتاني يوم كان العرس اهتميت بوشي وجسمي وشعري المهم العصرية ضربت لي حبيبت مهند وقالت لي بجي بعدين عليك في المساء ابوي عارف عرس اخت مهند بس قال لي انا بخليك تمشي بس ماتتاخري كان تسوقي معاك اختك قلتة ليهو قالت تعبانة ماماشه وصلنا الصاله وكان عرس سمح شديد قعدنا انا وحبيبت مهند في تربيزا واحدة قالت لي مهند قال امو الليلة العصر وكت العقد بكت وزعلانة عشان المعز ابا يعقد علي خطيبتو عليك الله شوفي المرة دي صعبة شديد ومتحكمة في اولاده قلتة ليها اسكتي مهند جاي علينا وصل سلم علينا وشغال زولتو وهي تتكشم وتتبسم ويغمز لي بعينو يعني الكذبة مشت عليها هي بت حليوة وصغيرة بس مهند مشوارو طويل ياربي بتستنا وامو بتخلي يعرسة هو بحبها بس حب ما معروفة نهايتو زي حبي 😂 جات خطيبت معز والعز باين عليها الشعر كيف والقوام والميكب والفستان شكلو ما من هنا جابتو واحتمال لبسة كلو كدي انا بصراحة مسكتني الغيرة منها كانت ماشة تسلم علي ام المعز وهاك يابوس واحضان المعز كان مافي سالتا مهند منو قال لي ياخي دا عندو عيان كل دقيقة اهلو يتصلو وهو النوع المابيعرف يتهرب بمشي يشوفو انا قلتة ليهو ارقد في السرير الجمبو 😂 قال لينا يلا نرقص انا قلتة ليهو عارفني مابحب الرقيص زولتو قامت وكمان معاها طقت لبان ما ظاهر عليها انها ماتمام بس قايمة بجهلا واهلة كمان بصدقو كذبة عليهم لانها قالت ليهم ماشة عرس صاحبتي ومعاي صاحباتي غايتو الله يحفظة خطيبة معز قعدتة نسيبتة قدام واخر خدمات زهجتة قلتة اطلع اقعد بره في الكراسي في النجيلة طلعتا وكنتة شايلا موبايل هديل عشان اتم بيهو القشرة دي طبعا امور هديل اختي من بعيد المعز جاء ومعاهو اولاد اهلو ضربتة ليهو تلفون قلتة ليهو انا قاعدة بره سالني وين وجا علي لابس بدلة😍😍 ماشاء الله عليهو كان ح تاكل منو حتة قال لي ولد عمو جيب لينا العشاء هنا وبقي يتغزل اهى الحلاوة دي انا خجلتة واتلبكتة قلتة بطل كذب انت القيافة ضحك قال اوووو غزل صريح قلتة ليهو دي حقيقة جابو لينا عشاء والبارد وكان في اطفال بيلعبو وناس كتار بره جات بت صغيرة قالت ليهو عم معز دي عروستك ضحك وقال ليها حلوة ولاشينة قالت ليهو حلوه وسمحة رفع راسو عاين لي قال لي الاطفال مابكذبو صدقتي انك حلوه سالتو من العيان قال لي ياخي عملتة العملية ونجحت بس لو جات شوية مضاعفات يضربو جننوني اسي الحمد لله خرجتو😂😂 وبعد بكرة مسافر وعاوز اعرف نهايتي شنو قلتة ليهو خطيبتك جات قال لي دي قالت لي نفسخ الخطوبة قلتة ليها اعملي البتشوفي جات قلتة ليهو بتكون حبتك قال لي حب شنو دي النوم المابتنهزم بسهولة هي شايفة علاقتنا معركة وهي عاوزا تكون المنتصر قلتة ليهو كيف يعني قال لي الاتصالات لو قلتة ليك عشرة مرات في اليوم تقولي قليلة مابتزهج انا ماعارف شغالة كيف في المستشفي الطبيب دا مرات مابيلقي زمن يحك راسو بس هي عاوزا تعمل لي حصار وسالتني انت في واحدة في حياتك قلتة ليها ايوا ومن ديك عاوزا تنسيني ليها وبتضغط علي باامي اكلي ياخي قفلتي نفسي قلتة ليو حرام عليك بت سمحة وراقية وكلاس تقول عليها كدا قبل يرد كان جات علينا شكلو موصفين ليها هو قاعد وين جات وعاينت لي من تحت لي فوق وقالت ليهو معز بدلع كدا ممكن دقيقة قال ليها السلام سنة مدة يدها من غير ماتفتح خشمة قال ليها جيهان زميمهند اخوي في الجامعه شوية نزلت من نفختة قالت لي اتشرفنا كان مهند وزولتو جو سلمو عليها وعلي المعز قالت ليهو ممكن دقيقة شكلو عاوز يتحجج بالعشاء اديتو طقة بكراع😂 فهمني امشي معاها قعدو مابعيد مننا بس حسيت بيها بتعاين لي شوية كدا جات العروس والزفه طوالي المعز مشي ومهند وامهم وبقو حولينا ولحدي مادخلت زولت مهند قالت لي ما خاشة جو اصحاب مهند لقونا واقفين وطبعا بعرفوني سلام ونسة تاني دخلنا الصالة وكان نفسي اعرف هي قالت ليهو شنو بعد الفاصل انتهي خطيبت المعز جات علي عديل قالت لي عاوزاك بره انا طوالي مشيت معاها قالت لي انتي عاوزا من خطيبي شنو قلتة ليها مافهمتك قالت بس انا فهمتك من غير ما اعرفك احسن تبعدي من خطيبي لانو هو مستحيل يفكر في واحدة زيك انا قلتة ليها هو المعز قال ليك بيفكر فيني قالت لي امور البنات دي بنعرفة وانا يوم الحنة شفتك ركبتي معاهو العربية وصعلقت بنات الشوارع بنعرفة المعز لم يجي يعاين مابشوفك انتي لانك لا من مستوي ولاشبهو واحترمي نفسك اسي جاية عرس اخت زميلك دا براهو بوري معدنك شنو اهلكم فاكنك انصاص الليالي انا ما وعيت علي نفسي الا وانا بديها كف 👋� المعز ومهند وكم زول وطوالي طلعتة الشارع مهند جا جاري وراي قال لي استني في شنو المعز مشي عليها قالت ليهو دي بت شوارع ماعارفة مهند بيعرف الزيها من وين اامعز طوالي قال ليها اعتبري البينا انتهي وجاء وراي الحفلة دورت قلتة لي مهند ارجع العرس اختك ماتفقدكم انا اسفة علي الحصل مني جبرتني اتصرف كدا قال لي ولا يهمك من غير ما اعرف الحصل انا بعرفك مبتغلطي علي زول
يتبع....
