جاء المعز قال لي مهند امشي ارجع عشان الوالدة ماتقلق انا بوصلة وبرجع انا طوالي قلتة ليهو مافي داعي بمشي بامجاد قال لي اركبي ركبتة وانفقعتة في البكى اتحركنا وهو نهاي ما اتكلم وقف قدام سوبر ماركت جاب موية صحة وعصير ومناديل اداني منديل قال لي ممكن تهدي شوية وامسكي غسلي وشك فتحتة الباب غسلتة وشي قال ماتزعلي نفسك انا قلتة ليها البينا انتهى عاينتة ليهو وكانت عيوني مليانة دموع بس ماعرفتها دموع زعل ولا فرح قال لي عارفة دموعك دي غالية وكمان بتخليك زايده جمال ابتسمتة قال لي بس اهو دا المطلوب تبتسمي قلتة ليهو انا مقهورة شديد قالت في حقي كلام كعب شديد ولما جابت سيرة اهلي ماتحملتة ضربتة كف انا ابوي دا شقيان فينا وماقصر معانا تجي واحدة في دقيقة في دقيقة تنسفو بالالفاظ يعف عنو اللسان قال لي انتى وبتبكي تشبهي الملاك قلتة ليهو ياخي اقول ليك قالت لي كدا تقول لي زي الملاك قال لي ماعارف اواسيك كيف قلتة اغازلك يمكن تنسي كلامة قربنا من بيتنا قلتة ليهو وصلني سريع عشان ترجع للعرس بيفقدوك وانا زعلانة عشان نغصتة عليكم فرحت اختك ضرب مهند قال ليهو اسي احسن وقالت ليك ارقص لي معاك😂ضحكتة قال صاحبك مقلق عليك انا ماعاوز اشوف دموعك دي نهاي قال افففففف حمل وانزاح مني قلتة ليهو حمل شنو قال لي الخطوبة قال لي مهند اسي قال لي اتناقشتة معاها وقال ليها كيف تهيني زميلتي واختي الكلام دا بسطني قال لي بكره مافي طريقة اعدي اليوم معاك عشان بعد بكره راجع قلتة ليهو ما اظن قال لي احتمال بعد بكره يكون كلام تاني وابتسم لما وصلنا قال لي ما بقدر اقيف كتير جمب بابكم ابوك بيكون انتبة انو في عرببة وقفت قدام بابو قلتة ليهو ايوا وانا اسفة مره تانية علي الحصل وارجع سريع انبسط بالعرس وعشان الناس مايقولو اخوها الكبير ماتمة العرس للنهاية قال لي تمام بكره بتصل عليك باي باي فتحتة الباب ابوي قال لي انتي جيتي قلتة ليهو ايوا عارفاهو بيكون مقلق لحدي ما ارجع دخلتة غيرتة ملابسي لقيت هديل نايمه في البرندة وبره عبير استلمت سريري رقدتة مع هديل جوة الصباح الشفع جو يفتشو في العبايات ماشين الخلوة هديل قالت لي ياخي قومي علي الشفع ديل انا جاتني حمي شكلو اللوز قامت علي صحيت ومشيت صليت وشربتة الشاي ابوي كان مرق شغلو وعبير ونهال مشو يتونسو من الصباح في المظلة وامي مشت تجيب الخضار انا قمتة علي النضافة هديل مرقت مشت رقدت في المظلة انا نضفتة البيت والحوش والمطبخ كلو والحمام نضافة شديدة عشان امي قالت نضافتنا دي ما نضافت بيت ملان بنات عبير غسلت هدوم ولدا امي جابت خضرا نهال بقت تورق فيها امي رفعت ملاحه وقالت لي ضايري دولاب الملايات دا قلتة ليها انا تعبتة بكره بضايرو دخلتة استحميت ومشيت لقيت تلفوني شحن ختيت بخور وقفلتة عليهو وجيت مع اخواتي في المظلة جات جارتنا والونسة والضحك مدثر ضرب هديل ردت عليهو من سريرا ماقامت زولكم دقايق لقينا فوق راسنا سلم علينا ومشو جوه تدلع و تتمارض قال الا يسوقها المستشفي لبست عبايتا ومشت معاهو غايتو مدثر ولد عمي بحب هديل حب اعمي عديل وبخاف عليها وهي عارفة النقطة دي 😂 ومستغلاها امي عملت لينا في الفطور ملاح تقلية وعصيدة وصحن شطة خضرا نادينا جارتنا فطرت معانا جابت لينا صحن فول وعبير عملت الشاي ونهال قامت علي ملاح الغدا تلفوني ضرب كان المعز جريت جوة الاوضة قال لي كيف اصبحتي قلتة ليهو تمام وانتى شكلو شمسك عالية قال لي امبارح بعد رجعنا من العرس كان موضوع مابينحكي في التلفون ممكن نتقابل قلتة ليهو ماعارفة قال لي شوفي ليك اي حجة واطلعي وانا بلاقيك ماباخد من وقتك كتير سبحان الله عبير نادتني قالت لي امشي الصيدلية جيبي لي اموكلان قلتة ليها كان تقولي لي هديل قالت لي هديل جات راجعة البيت قلتة ليها كويس ضربتا للمعز قلتة ليهو بقابلك في الظلط انا بلبس طالعة هو قال لي انا كمان برة البيت ربع ساعة واصلك انا كمان قشرتة تمام وعملتة ميكب خفيف عبير قالت لي يابت انا قلتة ليك صيدلية ماقلتة ليك عرس امي قالت ليها انتي كدي بتاخريها اصلة من يومة نضيفة ومجيهة 😂ود الشكر عشان انا بسمع كلامة وعشان نضفتة كسرتة ضهري في البيت لاقاني المعز مانزلنا من العربية قلتة ليهو عشان مااتاخر قال لي ابو خطيبتي اتصل علي امبارح وانا اوريتو انو بتو اتصرفت كيف مع ضيوفنا وقلتة ليهو كل شي قسمة ونصيب وانا دا كان اختيار الوالدة وانا قبلتة بيهو وتاني لقيت نفسي اني ح اظلم بتك معاي وانت مابتستاهل انو انا اعيش مع بتك وانا بحب واحدة غيرة ابوها اتفهم بموقفي قال لي انا لو بلف الدنيا دي كلها مابلقي زيك بقيت في البفهم امي وكلمتة اني عاوز اخطبك قبل امشي ولو بتهمها سعادتي توافق اني اخطبك ومهند جاء كمان اتكلم معاها وشكر فيك ليها وبكره جاي اخطب ملاكي واميرتي وبتمني توافقي انا قلتة ليهو اكيد بوافق بس ب قال لي بس شنو اخطبك وتجيني هناك عروس لو مابتمانعي قلتة ليهو ودراستي قال لي انا بعلاقتي هناك بتتمي قرايتك شلتة الدوا من الصيدلية ووصلني مهند ضرب لي قال لي مبروك يا مرت اخوي وقال لي انا مبسوط شديد وربنا يتم ليكم علي خير جيت كلمتة امي وامي كلمت ابوي وبيتنا تاني يوم كان الكل يشتغل جاي المعز ومهند وامهم وخالم وعمهم لانو واحدة صباحا هو مسافر البيت خلية نحل امي كلمت اعمامي وخالتي ومدثر ما خلا شي ماجابو وعملو كيك وفطاير وفواكهة والعصاير جونا قريب المغرب وطلبوني وامو طلبت اجي اسلم علي خال وعم المعز اول ماجيت سلمتة قالت لي اديتك الغالي اريتك تقدري تحافظي عليهو انا بقلبي قلتة وووب علي من اسي نسيبتي ماعجبنها والمعز يشيل ويتبسم طلب من ابوي يسوقني يعزمني عشاء برة عشان هو مسافر ابوي ماعرف يقول شنو بس واقف طلعنا واهلو رجعو قال لي دا اسعد يوم في حياتي وانا مبسوط شديد وقال لي كلام كتيررر اتعشينا ولما جينا راجعين قال لي ماحتودعيني انا عاوز وداع اشيلو معاي زكرى قلتة ليهو مافهمتك لقيتو حاضني عليهو واخر اشواق بعديها وصلني وهو مشي بقينا متواصلين ورسل قروش وماخلا شي ماجابو وجاب الدهب وشيلة الاكل كتيرة وقال لي اطلبي وادللي انا جاهز لي اي شي ماقصر معاي ابوي قال نعمل عرسي وعرس هديل في يوم واحد وفعلن عملنهاو في صالة كبيرة ودينا الفطور لي ام مدثر وام المعز واي زول يتكلم بعرسنا وانو الله ادنا اولاد ناس محترمين وغنيانين وهديل لبست الزفاف وانا قصيت فستان وطلعنا ماشاء الله علينا بعديها ورقي تما ورسل لي المعز ومشيت ليهو هناك لقيتو عايش عيشة ووضعو المادي ماشاء الله عليهو واتعلمتة اللغة لانجليزية وتميت قرايتي واشتغلتة وبقيت شايلة من ابوي الحمل وهديل كمان بقت حامل ومدثر ولد عمي الله فتحة عليهو كمان وريح ابوي انا لسة ماحملتة ونسيبتي تنق في عدم الحمل والمعز قال لي انا ماعاوز شي في الدنيا غير انك تكوني جمبي وتنوري حياتي ونحنة سعيدين مع بعض ومهند اتخرج وخطب بت غير حبيبتو وسهام اختو عملتة طفل انابيب ونجح ولدت تؤام وانا بتمني ربنا يقسم لي كمان وكل انسان بياخد قسمتو وكل زول قدرو مكتوب من يوم ماتولد
تمت....
