اهلنا مافضل زول واهل اسماعيل بس مافي زول قصر مهند جاب لينا شوال سكر ومدثر ولد عمي مسك البكى كلو ابوي يحليلو الضغط ارتفع عليهو وبعد ايام الناس قلة امي قالت لي ما مشيتي جامعتك كدي مابينفع وانا احمد كل يوم بيضرب بس بختصرو في الكلام مرت علينا ايام عصيبة شديد وابوي زاتو شغلو بقي ماقادر عليهو وجات اختي ببناتة زاد عليهو الضغط اختي قالت لي بعد اتم حبسي بمرق اشتغل والبيت زاتو ضيق علينا قلتة لي ابوي عاوزا اشتغل بالمساء فى مكتبة قريبة للبيت ابوي ابا قلتة ليهو يابوي الجامعة عاوزا واخواني كمان وهدي اختي وبناتة خليني اساعدك والشغل مابيتلقي بالهين وصاحب المكتبة قال بديني في الشهر 300 ابوي وافق تاني رجعتة الجامعة بس لقيت الفاتني كتير والمكتبة بيوين بقيت بعد اطلع من الجامعة امشي المكتبة ارجع البيت مع المغرب اكل واستحمه وامشي اقعد في المكتبة برضو بكون بقرا وببايع الزباين مهند قال لي ياخ في خلال اسبوع اتقسمتي احمد خطيبي عرف من اخو ضرب وعملا جوطة وشغل شنو انصاص الليالي قلتة ليهو ظروفنا صعبة قال لي انا برسل ليك القروش دي كل شهر قلتة ليهو انسي قصة تصرف علينا قفلتة منو جاتني رسالة في الواتس زول بيقول لي ماقلتي حبيبتى مشيتي وين اتزكرتة محادثتي معاهو قلتة معقولة مهند ماظهر ليهو رقمي تاني يوم في الجامعة شلتة تلفون مهند وفتشتة الواتس مالقيت اي رسايل سالتو عندك كم واتس انت قال لي واحد في شنو قلتة ليهو الرقم دا حق منو لقيتو مسجل عندي بمهند 2قال لي كدي اشوفو قال لي دا حق المعز اخوي انا حسيت بروحي تلجتة ومخلوعه بقيت بسري اقول واااي الفضيحة قال لي في شنو قلتة ليهو مافي شي بس عشان مسجل عند خجلتة اقول لي كنتة قايلاك انت وقلتة امقلبك رجعتة البيت لقيت اختي قاعدة بره في الحوش قالت لي انا واجعني اسماعيل شديد بناتي بقن يتيمات صبرتها وطلعتة المكتبة الولد القاعد فيها مرق نشطت النت وفتحت الواتس ورسلتة رساله للمعز وبعتز ليهو واني افتكرتو مهند وكنتة عاوزا امقلبو واني ماكنتة قايلاهو رقمو جاتني رسالة انتي جيهان قلتة ليهو ايو قال لي البركة فيكم انا استغربتا وقلتة اكيد واحدة بتحب مهند اخوي وماعارفاني انا صاحب الرقم وبقت بينا كل يوم رسايل وبساعات وماعارفة ماقدرتة اقول لي مهند وبقيت استني رسايلو زي الضايع لي شي وهو كمان وكلمني انو كان مستغرب لي وافقتة بزول مابحبو وقلتة انك ماعندك شخصية وجيت انا زيك ماقدرتة اخلاف امي ووافقتة وبدات تنشاء بينا علاقة بس علاقة الفة وكان احمد خطيبي كل مايضرب شكلة وزعل وهو كمان البت الخطبا كل يوم نقاش اختي نهال طلعت من بيت الحبس وانا كان امتحاناتي ومهند بمشي معاي مكتبة الجامعة المهم ايام الامتحانات قلتة لي احمد ماتضرب لي بس واتسي كان للمعز فاتح انسان راقي وفاهم واسلوب في الكلام زاتو مابشبه زول عرفتو وبسالني من امتحاناتي وبحكي لي بمهند انا كلمتو قلتة ليهو مهند صديقي المقرب بس ماكلمتو اني بتكلم معاك مهند بقي يقول لي بقيتي غريبة وكتومة اتغيرتي انا زعلانة من نفسي بس في شي بيمسك خشمي سالتة المعز انت مكلمو اننا بنتراسل قال لي لا انتهت الامتحانات ونجحتا وكان المعز اول زول يبارك قبل مهند اخو رغم انو معاي في الجامعه 😂وبقيت قاعدة في البيت بس متواصلة مع مهند بالواتس والفيس في يوم وانا قاعدة براي في البيت امي واخواتي مشو مع نهال ومشو لي بيت نهال تلم عفشة وحاجاتة عشان تفضي البيت وابوي زاتو مشي معاهم عشان يشوف عربية ينقلو بيها العفش ضرب لي احمد قال لي هو جاي للعرس وغالبو الصبر وكلام من زي دا قلتة ليهو عرس شنو انا ياداب ماشة تانية لو ماخلصتة مابعرس قال لي كلام ابوك ماكان كدا قلتة ليهو انت عاوز تعرس ابوي انا الحتعرسة وانا ماجاهز لي عرس اسي يكون في علمك واتناقشنا قفل التلفون في وشي قفل بيجاي رسل لي المعز صورة ليهو قلتة ليهو الصورة جميلة وماعلقتة تاني بكلمة قام ضرب رديت قال لي مالك قلتة ليهو خطيبي قال جاي للعرس سكت قلتة ليهو خايفة ابوي يجبرني قال لي اوعة توافقي قلتة ليهو انا كمان مامفرضو اتكلم معاك وانا عندي علاقة قلتة ليهو لازم نقطع العلاقة دي قال لي مابقدر انا بصراحة اتعلقتا بيك قلتة ليهو وانت خاطب ماتنسي قال لي انتي عارفة ظروف خطوبتي والبت زاتة بقت تلح علي اجي اعرس وانا ماعارف ارفضة كيف انا من اول ماشفتك اعجبتا بيك ومهند كان بيقول عنك كلام زاد من اعجابي قلتة ليهو اعفي لي مابقدر اكون انسانة خاينة ان مخطوبة وبتكلم بقيت معاك خلينا اصدقاء احسن قفلتة منو وانا عارفة اني حبيتو بعد يومين ضرب لي مهند قال لي المعز اخوي جاي عندو عمليات هنا وكمان سهام جاها عريس وامي شكلو اقتنعت ابوي جاء قال لي الزول دا ضرب وقال جاي يعرس قلتة لي ابوي انا ماعاوزا اعرس ابوي ماعرف يسوي شنو اخواتي يحنسو فيني امي قالت لي دي حياتك انتي
يتبع....
