بعد يومين جات نسيبتي سلمت علينا واتكلمت مع امي ونادوني ونهال قاعدة قالت لي احمد جايي يعرس ادوهو اجازة وقال انتي ماموافقة وتاني مابيلقي ليهو اجازه قلتة ليها انا ماعاوزا اعرس الا اتم قرايتي قالت لي ماكان تقولي كلامك دا من الاول وقبلت علي امي قالت ليها دا كلام شنو يازهور امي قالت ليها والله قلنا ليها بيخليك تقري نسيبتي قالت ولي نكذب ولدي ماداير يعرس طالبة داير ليهو مراه تعيش معاهو في الغربة ونحن اخترناك عشان بنعرفكم ولدي عجبتي تجي اسي دايراهو يرجاك تلاتة سنة يازهور عقلي بتك انا مرقتة ضربته لي احمد قلتة ليهو انا قلتة ليك اخلص قراية وانت وافقتة اسي تجي تغير كلامك قال لي انا مشتاق وبتعزب وانتي ماحاسة بيى حسيت كلامو اباحي قفلتة منو طوالي مشيت لي ابوي انا ماعاوزا اعرس احمد ولو جبرتوني برمي نفسي في البحر ابوي قال لي دا كلام شنو جنيتي انت البقول عليها عاقلة وفاهمة المهم كان في مباحثات وتحانيس وجا زول قريب ابوي اتكلم مع ابوي ابوي قال ليهو مافي نصيب البت عاوزا تتم قرايتة اديتم الموبايل والاب توب الانا من اساسو مافتحتو وانتهت خطبتي من احمد انا كنتة فرحانة شديد شلتة تلفون نهال ضربتة لي مهند كلمتو اني فسختة الخطبا قال لي مبروك سالتو من ناس بيتم ونفسي يجيب سيرة معز قال لي كويسين ومعز احتمال كبير يصلنا بعد اسبوع عشان موضوع سهام وهو عندو شغل في مستشفي هنا وبيرجع طبعا انا المعلومات دي كلها عندي قلتة ليهو انا الايامات الجاية ما بيكون عندي تلفون ادخل بيهو رجعتة لي النوكية بس عندي فيهو مشكلة دايرا اصلحو باقي الايامات النهار نضافة والمساء المكتبة وخلاص فاض بي متعوده كنتة اتواصل معاهو وفجاء انقطعتة مدثر قال لي هديل جايي يخطبة من ابوي جات كلمتنا والفرح عاوز يكتلا يابت وقرايتك قالت لي اقري انتي انا خليتة مدثر فعلا جاء قابل ابوي وتاني جات امو وجاب تلفون هدية لي هديل وجاب ليها ملابس وسلسل ودبلة بعد فتحت تلفونة شلتو منها نزلت رقم المعز وطوالي دخلتة واتس سلمتة عليهو قال لي اخيرا ظهرتي وسلامات واشواق وكلمتو اني فسختة خطبتي قال لي مهند كلمني قلتة ليهو كيف كلمك الجاب السيره منو قال لي انا لم انقطعتي فجاء قلقتا عليك وسالتو عادي منك وراني وانا بعد بكره راجع السودان بتمني اشوفك قلتة ليهو مابقدر اقابلك انت نسيت انك خاطب كيف تقابل واحدة زميلة اخوك قال لي كدي اصل ونتفاهم قفلتة وانا مبسوطة بقيت اقول لي نفسي معقولة دي انا اهتمة لي ولد قدر دا وانا الكنتة رافضة العلاقات معقولة حبيتو يا الله كيف احب زول خاطب طيب هو مافتح معاي موضوع زي دا بس علاقتنا عادية بس ماحب ما اظن بقيت انكر الجواي المهم الايام ماشة عادي يوم جاني اتصل في تلفوني الو قال لي معاك المعز طبعا قلبي دا عاوز يطلع من محلو قلتة ليهو اهلين متين وصلتة قال لي امبارح بالليل كيف اخبارك قلتة ليهو تمام قال لي عاوز اقابلك قلتة ليهو ماعندي طريقة ظروفي مابتسمح اطلع قال لي خلاص لو لقيتي طريقة وريني عاوزك في موضوع مهم قلتة ليهو ان شاء الله وفي المساء مشيت المكتبة وانا قاعدة جاء واحد داخل لابس نضار قلتة ليهو اتفضل اخدمك بشنو اول ما قرب مني عرفتو من العطر حقو سبحان الله مرات تشم ريحة بعد زمن طويل تشمها تديك زكرى رفع النضارة ومد يدو يسلم قال لي اتفاجاتي طبعا انبسطتة بطريقة واضحة معز لي كم شهر بنتونس مع بعض بس اول ماشفتو وقرب لو ما خجلتة كان سلمتة بالاحضان بس بيعتبر غريب بالنسبة لي قلتة ليهو اتفضل كان قيافة ونضيف ولا لونو كدا ما عارفة قلتة ليهو عرفتة كيف مكان المكتبة قال لي نسيتي انك وصفتيها لي في الواتس 😊تشرب شاي قال لي اكيد جبتة ليهو الشاي جو بنات يشترو بقو معلقين في المعز يعاينو ويتبسمو انا اتغظتا منهم قلتة ليهم خلاصت قصدي الحاجة الجو ليها وبقو يلفو وكل مرة يقولو حاجة عرفتهم ماعندهم موضوع غير معز حتي واحدة شالت ليها قلم حبر وقالت ليهو القلم دا حصل جربتو هو خالف رجلو ويبتسم لي شكلو فهمني مضايقة منهم قال ليهم ايوا كويس شديد عاينتة ليهو غمز لي شالوه وطلعو قلتة ليهو ثقيلات هو انت القلم دا جربتو صحي قال لي ابدا عرفتهم ماعندهم موضوع جبت ليهو الشاي الحمد لله كنتة لابسة كويس بس الوش صراحة فاضي مافيهو الحبة شرب من الشاي قال لي ماشاء الله شاي مظبوط قلتة ليهو اخبارك قال لي مافي جديد الجديد عندك انتي قلتة ليهو ماعندي جديد قعد يضحك قلتة ليهو اخبار خطيبتك شنو قال لي يعني عاوزاني امشي قلتة ليهو خلاص طبعا انا قبل ما اسافر ولما عزمتك انتي ومهند اخوي كنتة حاسي اني بعرفك من زمان وخصوصا لما مهند بيتكلم عنك قلتة ليهو بيكون ماخلي لي صفحة ارقد عليها 😂ضحك وقال لي عارفاهو يعني قلتة ليهو اسي انت جيت تتم لسهام موضوع عرسة ولا تفركش خطوبتك قال لي الاتنين قلتة ليهو لي بت الناس لو كويسة ماتخليها قال لي الكلام من قلبك سكتة قال لي هي بت كويسة بس مافي شي بلمني معاها انا كنت بتمني اختار شريكة حياتي بنفسي بس الوالدة الله يمتعه بالصحة والعافية ماخلتني واسي مشكلتي امي ماعارف اقنعة كيف انتي اقنعتي ابوك كيف قلتة ليهو بسيطة قلتة ليهو لو جبرتني اعرسو بقع البحر ضحك علي ضحك قال لي معقولة كنتى بتقعي البحر قلتة ليهو بحر شنو البقع فيهو وضحكنا
يتبع.....
