الحلقة "19" .... حب شبه مستحيل ....
قلم: مي_علاء
فتح الباب فجأة
فزعت هاجر و ابتعدت عنة سريعا
روان بصدمة: اية اللي بيحصل هنا
هاجر بإرتباك: ا ا
لؤي بحدة: انتي ازاي تدخلي مكتبي بالطريقة دي
روان بصوت عالي غاضب: لية مالها طريقتي ، كنت عايز تستغفلني و تبقى مع دي
اجتمع الموظفين ع صوت روان العالي
هاجر بإحراج: حضرتك فاهم...
قاطعتها بحدة
روان: انتي تخرصي خالص ، ازاي تقربي ع خطيبي
صدمت هاجر مما تقولة و نظرت للؤي بإنكسار ، هل كان يمثل عليها؟ كان يستغلها؟
لؤي وهو يجز ع اسنانة بعصبية: روان ، متقوليش كلام مش صحيح ، و كلميها بأسلوب احسن من كدة
انزلت دموعها الكاذبة واخذت تمثل الإنهيار
روان: انت بتنكر اننا هنتخطب و هنرتبط قريب ، و بدافع عن دي
لؤي بغضب: دي تبقى خطبتي إن شاء الله
روان ببكاء: انت .. انت بتلعب عليا و عليها .. انت خنتني يا لؤي .. حقير .. اهيء اهيء
و غادرت الشركة و هي سعيدة بما فعلتة ، هي لا يهمها لؤي بل هذا نوع من التسلية
كانت تقف هاجر و الدموع متحجرة في عينيها .. تشعر بالتخبط ، نظرت لزملائها الذين اصبحوا يتهامسون عليها و خاصا اميمة و نورة و نظرات مصطفى التي تمتلأ بالإستحقار و بعض زملائها هكذا ايضا، كلامهم جارح جدا و نظراتهم ، لا تعرف لماذا اصبحت حساسة مجددا من كلام الناس عليها بعد ان تخطت هذة المرحلة منذ زمن
صرخ بهم لؤي بغضب
لؤي: لو سمعت كلمة زيادة اتقالت ليكون الكل مطرود من الشركة ومش هيهمني ، الكل يروح ع شغلوا
و تقدم و صفق الباب في وجههم ، ثم التفت لهاجر التي تقف بعيدا تحدق امامها دون ان تنطق بشيء
اقترب منها و امسك يدها بحنان و امسك ذقنها ورفع رأسها له و لكنها مازالت تنظر للأرض
لؤي بصوت دافئ: بصيلي ..
لم تنظر لة
لؤي: بصيلي لو بتحبيني
نظرت لة و الدموع متحجرة في عينيها ، شعر بالحزن
لؤي: اسف لأني حطيتك في الموقف دة ، و متصدقيش كلامها عمري ما هلعب او همثل عليكي و مفيش اي حاجة تربطني بيها و...
ابعدت يدة و تخطتة و عادت لمكتبها .. كان يتابعها من خلق الزجاج بحزن ، فتقدمت و وضعت السيتار لكي لا يراها ، وها هي سمحت لدموعها بالنزول و زادت دموعها حتى ارتفع صوت شهقاتها فوضعت يدها ع فمها لتكتم صوت شهقات بكائها
في منزل لؤي
جالسة روان مع والده لؤي وهي تمثل البكاء
منال بحنان: اهدي يا روان يا حبيبتي ، انا هفهم كل حاجة من لؤي بالتفصيل و اقولك
روان: بعد كل اللي قلتوا تقوليلي هتفهمي منوا ما هي مفهومة
منال بهدوء: اهدي طيب ، انا هتصرف
نهضت روان وقالت ببرود
روان: ميهمنيش الصراحة انا راجعة امريكا انا كنت عايزة اتسلى و خلاص ، سلام بقى عشان الحق اقنع مامي بأني اسافر
و غادرت دون ان تسمح ل منال بالإعتراض
نهضت منال و اردت ملابسها و غادرت الفيلة متجة إلى ....... وتنوي على .......
في منزل هاجر
إنتهت اماني من اعداد الطعام و نظرت للساعة اصبحت الرابعة عصرا ، هتوضأت و صلت العصر و بعدها قرأت القرآن و اخذت تدعي لابنتها بتوفيق حالها ، قاطعها صوت رنين الباب ، نهضت و فتحت ، كانت امرآة يبدوا عليها الوقار
اماني: حضرتك عايزة مين
منال: دة بيت هاجر؟
اماني: ايوة ، انا والدتها ، في حاجة؟
إبتسمت منال وقالت
منال: لا ابدا ، انا ام لؤي
نظرت اماني لها بذهول ثم إبتسمت و رحبت بها
