رواية أنا الشموخ ومارضيت البهاذيل كسرت خشم الناس من قو ذاتي

البارت ((٣٧))

  قبل القراة تقدير للمجهود فوت ⭐️

37))

بعد أسبوع ونص...

كنت قاعده أتزهب ببيت ناصر....وأنا أحس قلبي يتقطع.....لبست تنزرة طويلة ضيقه سودا....وقميص رسمي
أبيض...ثلث تربع....فتحت ازاريري العلويه....وبان نحري شوي....لبست سكارف أحمر مشجر....استشورت
شعري...ونفضته....وقصته اللي قصيتها باينه....لبست حلق صغير لولو....وساعتي السودا الكبيرة....وخاتمي الفضي
الناعم....جزمتي "تكرمون" الكعب...حطيت كريم خفيف....وروج وردي فاقع....وكحلت عيوني بخفه....وحطيت مسكرا
زرقا....ناظرت نفسي بثقه.....وناظرت سلطان اللي محتاس بلبس دشداشته....قربت منه بحب.....وساعدته....لبست
الشراب الاسود حقه....والجزمة الغاليه حقته.....وناظرته بتأمل وهو يلبس طاقيته....لأجلك الصعب يهون....تذكرت
الأسبوع اللي طاف....جيت سلمت وأخذت ريم ومابه أحد حاول يجبرني....جهزنا بيتنا....وكنت أجي هنا من بين فترة
لفترة.....لقيت البيت اللي عجبني وأثثته......تذكرت لما جيت وطلبت أكلم ناصر....وصدمتي وهو يسمع
كلامي.....وموافقته السريع.....وهذا كان بداية مصالحه بيني وبينه.....نفذ لي كل شيء.....بس طلبت منه
السريه....ويومين واللي أبغاه جا عندي.....وتصالحت مع ناصر.....اللي مو مصدق نفسه....والكل مندهش...بعدها سافر
خالي علشان يجيب الباقي....وأنا جلست ببيت ناصر......بعدها جدي فاتحني بموضوع الزفت.....أتذكر صدمته لما قلت
له:أنا ابغى أقوله رآي بنفسي.....
قال بصدمه:كيف؟...
قلت بثقه:من حقي....أبغى أقوله رآي وجها لوجه....وبنغزة....ومن حقي أتوقع بشوفه شرعيه.....
ضغطت على أخير كلمتين.....وشفت وجه جدي اللي شحب....وكملت بلعانه:ولا تقول المرة اللي
طافت.....وباستهزاء....لأني مستحيل أعتبرها شوفه....وبهدوء....وعندي شرط....أبغى أقوله له.....وبجديه...ومابغى
أحد يعرف بالموضوع....بكرا بيفضي ناصر هالبيت....ونجلس أنا وياه وسلطان وانت...وعقبه لكل حادث حديث.....
قال جدي بضيق:ان شاء الله....
غمضت عيوني بألم....وأنا أمسك قلبي....هونك علي ياقلب هونك....خف علي شوي....والله مو بيدي....والله....ناظرت
سلطان وهو يتعطر بحب....قربته مني بقوة....وبسته....وهو صرخ وهو يمسح الروج اللي صار
بوجهه...بعصبيه....ويغلط علي....تعطرت بعطري....وعطرت سلطان....وطلعت بثقه....وأنا أرسم الثقه والغرور بكل
ملامحي......لاتغلطين يالجازي....الغلط مو مسموح لك....حاصريه بهدوء....بلين وقوة....ولاتهدمين كل اللي انبنا.....