وقعدت رتاج تهدرز هي ومهيمن قريب نص ساعه ... نست روحها معاه .. بدت تحس بالأمان والراحه لما تحكي معاه .. وفي نص إنسيجامها وضحكها معاه ... خش علاها زكريا وهو مرفع حاجه ✨
زكريا قعد واقف ويشبحلها بإستحقار
رتاج:😳 احم اوكي نحكو بعدين
مهيمن: خير في حاجه
رتاج: سلام توا بعدين نكلمك
مهيمن: تمام ديري بالك ع روحك
رتاج: انشاءلله ... سكرت ووقفت جت بتطلع من الصاله زكريا حط يده ع الباب وقعد مسكر علاها
زكريا: احترمي الحوش الي انتي فيه اقل حاجه
رتاج: وخر بنطلع
زكريا: مش متحشمه من الي اديري فيه يعني
رتاج: مادرتش حاجه غلط
زكريا: ههههه والله هدا كله ومادرتيش حاجه غلط
رتاج: شن تبي انت توا .. بعد عن طريقي
زكريا: مدامك قعدة في حوشي تحترميه ومادخليش وسخك فيه
شبحتله وهي مفنصه ... دفاته بالقوة وخشت للدار .. لقتني متكيه ع سرير ودمعتي ع خدي
رتاج: نضتي ياعمري
اني: راسي انحس فيه بيتفجرر 😣
رتاج: لأنك بكيتي هلبا بس .. تو نشوفلك كان فيه بنادول ... وخدت عبايتها ووشحاها لبستهم وطلعت
زكريا يدخن في الصاله: ويين ويين😠
رتاج تلفتتله: شيماء تبي بنادول
زكريا: خشي تو انجيبلها
رتاج بالشويا: مبردك
زكريا: سمعتك
خشت تجري وخلاته وراها ... جابت بنادول وخشلنا
زكريا: لاباس لاباس
اني مع إبتسامه صفراء: لايوريك باس
زكريا قعمز جنبي ومدلي بنادول وأميه : خير في شن تحسي
اني: ماكليت شيء اليوم وتعبت في المدرسه شوي
زكريا: مش باهي وانتي جسمك ضعيف بكل ضروري تتغدي
اني: انشاءلله خير
زكريا: فيه فواكه تو نجيبلك .. ووقف اني شديتله يده
اني: زكريا
زكريا تلفتلي: نعم
اني: عادي نقعد عندك الفترة هادي😢
زكريا: علاش
اني: صايرة مشكله بيني وبين بابا مانبيش نرجع للحوش 😢
زكريا: قاعد الحقير يسكر ويرجع نص الليل 😠 ... تي قسم بالله كان أمك تقولي باهي لما نقتله ونفككم منه
