زكريا: من معاك ؟
اني: رتاج ... خشي !
حطت الصفرة ع كاميدونيه .. وهي عيونها فيه .. عيونه حمر تحتهم ارهاق .. باين التعب علي وجهه رغم محاولاته انه يخفيه ... راجل !يبكي ويتحسر علي بنت ... وهل الرجوله تنقاس بالمقياس هدا ! ... بس كل الي نعرفوه علي جنس الرجاله! ... انهم مايهمهم شيء .. وبدل الوحده ربي حلله أربعه ... يعني فيه ولو نسبه ضئيلة منهم يحبو من قلبهم .. ويصونو ويدافعو علي حبهم .... بس هل هو شرط انه كل حد يحب من قلبه .. الطرف التاني يخدله ويخونه ؟! .... يعني لازم نتعدبو من الحب !.. لازم ننحرقو من ناره !.. لازم نبكو وندمرو ... بلاش منه الحب لو كان هكي !... إبتسمت لي زكريا وحمدلته ع السلامه !
زكريا: الله يسلمك ماتشوفي باس انشاءلله
شبحتله .. وشبحتلي .. دارت نظره سريعه ع الدار .. وهي حايرة... يعني توا نقعمز .. ولا نطلع .. ولا شن ندير !
اني: زيكو احني في الصاله تبي اي حاجه ناديني
زكريا: تمام
~
~
رتاج: شكله تعباان بكل
اني: قلبه تعبان مش جسمه
ضحكت بهزوه واتكت ع الكنبه : ومن منه قلبه مش تعبان
اني: فترة وكل إنسان يمر باها
رتاج: وحتى هما حايمرو باها
شبحتلها وعلامات الإستفهام ع وجهي : هما ؟؟
رتاج: عبدو ،امل، رشا، مهيمن، يوسف ... زعمك يجيهم يوم ويحسو بي الي داروه ... يجيهم يوم ويشوفو الشخص الي يحبوه خانهم او خدلهم ؟ ... حايعيشو الي عشناه ؟ .. يسكرو ع روحهم .. يستنو الليل باش يبكو ويفرغو الي في قلبهم ؟ ... يدعو علي روحهم بي الموت ؟
اني: مش يقولك ياداير يالاقي
رتاج : من امت وليتي قويه ؟
اني: ضربتهم وخيانتهم قوتني !
رتاج: نسيتيه ؟
اني: ولا كأني نعرفه !
رتاج: محمد السبب !
إبتسمت وشديت خصله شعري : مافيش سبب غيره
رتاج: كيف خلاك تحبيه فجأء
نحبه ! .. نحبه ! .. بس اني .. انتي شنو !..
اني: اني ماقتلكش انحبه !
رتاج: عيونك الي قالو
اني: واااو والتفسير متعك .. تو لانه هو وعاني علي حاجات ماكنتش شايفتهم وساعدني ننسى عبدو .. معناها خلاص انحبه
رتاج: عليا اني ... تي اني نعرفك وحافظاتك اكتر من نفسك ... تو بتعرفيني فيك
اني: مافيش منها الدوة
