فتحت عيوني واني مبتسمه ... قعمزت وقعدت نتكسل ... قمت شعري فوق وخشيت للحمام "حشاكم" .. حكيت سنوني وتوضيت ... طلعت صليت وضميت الدار وفتحتها هويتها وطلعت للحوش بديت فيه ودرت بخور .. خشيت للمطبخ قعدت انوتي في الفطور واني نغني ومنسجمه💓
ماما: اشبح شن بيصير في الدنيا من وين جاتك الفلاحه هده
اني: صباحو ورد نعومتي .. ديما ضالمتيني اصلا .. هي قعمزي وخودي احلا فطور من يديات بنتك
ماما قعمزت ع الطاولة وهي مستغربه: خيرك فرحانه شن فيه ؟
اني: فرحه من ربي أدعيلي تكمل معاي
ماما: انشاءلله ويعطيك مافي بالك
اني: يااارب 💓... هوبا وهدا الشاهي واتي
قعدنا نفطرو واني سعادة غريبة غامرتني ... كملنا فطور لميت الكوجينه وبخرتها وخشيت ندوش ... طلعت جففت شعري وبديت نبدل ✨
رتاج: صباحو
اني: صباحو ورد ... وين ع البسه الصقع
رتاج: ضاربتني السعاده اليوم نايضه من 7 نضم ونوتي في روحي😂
اني: واني انقول 😂 معناها انتي طالقه عليا
رتاج: الحب مأتر فينا وانتي الصادقه
اني: احكي علي روحك
رتاج: احمم قالو أمس سهرانين مع بعض
اني: واااي مافيش حاجه تندس في هالحوش من قالك ؟
رتاج: خزي صار بدسي عليا قبل
اني:ماصار شيء باش نحكيه ... اصلا اني ماتكلمتش هو بس الي حكي
رتاج: يحبك هلباا
اني: ترا مديلي الكراسه الي جنبك
رتاج: بتقعدي ديما هكي حرام عليك اعطيه فرصه
اني: شدي ولعي السيارة مدامك كملتي
رتاج: اقعدي غيري الموضوع باهي
اني: رتاااج !
رتاج: ملحي .. خدت مفتاح السيارة وطلعت ... تنهدت وقعدت انفكر في كلامها .. وفجاءة جت في ودني كلمه محمد "انحبك💓" ... حركت راسي بالقوه ولفيت وشاحي ع السريع وطلعت ✨
~
~
اني: لما تكملي رني عليا
رتاج: انتي كملي حصصك وتعالي
اني: تمام باهي
رتاج: هي سلام
اني: سلام
نزلت رتاج واني كملت للمدرسه ✨
~
~
~
زكريا: محمد ..محمد .. تي ممحمد
محمد: همممم ها الزح شن تبي
