ومع الظهر جي عمر ومعاه البنات ✨
عمر: انزلو كلمو رتاج .. اني نمشي نسلم علي خالي ومرته
ردينه:😍 حتى اني بنمشي معاك
عمر: باهي هي
أمل: خلوني اني وانتم انزلو
عمر: عيب توصلي لي هني وماتسلميش علي خالك هي انزلو ... وفتح الباب ونزل
ردينه: ماتخشيش لي حوش زكريا خير 😠
أمل: ردينه خيرك معاي
ردينه: سكري فمك خيرك معاي صار
عمر يطق ع الروشن : تي هيااا
نزلو البنات .. مشو عمر وردينه لي حوش خالي .. وخشت مها وسلمى لي حوش زكريا وامل قعدت واقفة في الجنان
مها: شمشوم ياعمري استاحشناك
اني شادة دموعي: حتى اني والله
رتاج: اسس بلا أوفر كلها ليلة😂
اني: خزي حسد 😂
رتاج: وين ردينه
سلمى: مشت هي وعمر بيسلمو علي خالهم
اني: عاد الكبيدة في الحوش 😍
مها: وععع هاليوسف الداره قداش مايكسرلي في رقبتي وهو رافع خشمه
رتاج: بالعكس فيه جو .. البارح مقعمز في الجنان هو عمر وزكريا .. جوه كله ضحك
مها: مانحباش ماخشليش راس
اني: شن قال عمر وماما علي قعدتي عند زكريا
سلمى: اني اقنعت عمر وقتله عمي الفتره هادي يهزب فاها هلباا خلاها تاخد راحه ... وكلا عمتي ماقالت شيء ماعندهاش مشكله
رتاج: مسكين عمي كل حاجه ندكوها في راسه 😂
مها: من عمايله 😒
سلمى: هي وتي روحك تو عمر يقول هيا مايحبش يستنا رتاج: ماعندي مانوتي هي عباية طلعت باها نجري تقول شحاته 😂
~
~
~
~
عمر شرين ع الباب فتحله يوسف
يوسف: اوو عمر عندنا خش خش
عمر: خالي قاعد
يوسف: قاعد خش
خش عمر... وردينه تشوف لي يوسف 💓
ردينه: كيف حالك يوسف ... ومدت يدها💓
يوسف سلم علاها من غير مايشبحلها: الحمدلله تفضلي
خشت .. يوسف تنهد وسكر الباب وخش وراها ... سلمو ع خالي ومرت خالي وقعمز عمر يحكي مع خالي .. وردينه ماحولتش عيونها من علي يوسف وهو كان متقيد منها وكان يلقا ينوض يهزبها .... قعدو شويا وطلعو وطلع معاهم يوسف ✨
