صدمة حياتي

الحلقة الثانية عشر

وسمعنا صوت زكريا يتكلم بالفون وجاي جيهتنا ... رعشت خلاص هده نهايتي ... وماحسيتش غير بمحمد جابدني من يدي وخشينا لي داره وسكرنا الباب 💓

هو واقف وشادلي يدي .... اني قدام صدره ... ضهري لاصق في صدره .. نسمع في دقات قلبه وصوت أنفاسه وهو متوتر ... كنت خايفة ونرعش .. خايفة زكريا يخش ويفهم غلط ... مش قادرة نتكلم ورجليا علي وشك يخونوني وبنطيح من طولي ✨

~

~

~

رتاج: شيمااء ياشيمااء تي وينك

زكريا والفون علي ودنه: صوتك لو سمحتي

رتاج شبحتله وماعدلتش عليه: مادخلكش وكمل غرامياتك 😒

زكريا حط الفون وشبحلها: تحسابيني زيك

رتاج: ههههه لا كيف عااد اكيد انت احسن مني

زكريا : تكلمي كويس

رتاج: مادخلكش بيا .. وبتلف خبط راسها في الروشن عيطت وقعدت شاده راسها

زكريا: تستاهلي من طولة لسانك

رتاج شادة راسها وتبكي ... ومش قادرة تتحرك حاسه بدوخه ✨

زكريا شاف دموعها: بلا دلع زايد كلها خبطه

رتاج: اسكت انت اسكت 😭😭 ... اااه وشدت راسها وقعمزت

زكريا جي وقف جنبها : خليني نشوفهولك

رتاج: لا مادخلكش بيا امشي وخليني 😭

زكريا: براحتك .. وجي بيطلع

رتاج: دمممم😭😭😭

زكريا لف لقاها شادة يدها وفاها أتر دم : قتلك خليني نشوفهولك

رتاج: حاسه بدوخه راسي يلف بيا 😭

زكريا قرب منها وقاملها وشاحها من تالي ... انفتح شعرها وطاح غطى ضهرها وغطى يديه ... "تبارك الرحمن بسم الله مشاءلله 😍 عليك شعر 😍"

رتاج: هيا خيرك واقف 😭

زكريا : اااه 😅 .. وحط شعرها علي جنب وشاف راسها .. لالا خبطه بسيطه بس جاتك قوية وهدا سبب الدوخه .. وحط يده ع الجرح رتاج عيطت

رتاج: اااااه إيدك وجعتني😭

زكريا: باهي هه حولت .. ووخر شويا

رتاج لفت شعرها ونزلت وشاحها

زكريا: مايحتاج شيء ساهله

رتاج: باهي شكرا .. ووقفت بالشويا وطلعت ✨

زكريا قعمز في مكانها وتنهد "محلا ريحتها ومحلا شعرها وعيونها وصوتها .. اوووف شن انقول" وشرين فونه لقاها رشا تنهد من وسط قلبه سكر علاها وطلع 💔

~

~

~

اني: شكله طلع 😥