✨
مها: ردينه 😢... بالله عليك اسمعيني
تلفتتلها وفي عيونها الف حاجه وحاجه ... لوم .. وحزن .. غضب .. كره !... مسحت دموعها بظهر يدها .. وتكلمت والعبره في صوتها
ردينه: انتي يامها معقوله انتي
مها وهي تبكي وتشهق: انتي عارفتيني ياردينه 😭 والله ماكنت نعرف .. والله مانعرف انه يبيني😭
ردينه: ماتوافقيش عليه يامها ماتوافقيش😭
مها: مستحيل نوافق ... يوسف مش هو فارس احلامي مستحيل نقول باهي 😭
ردينه: باهي علاش ختارك انتي علااش😭
مها قربت منها: ردينه والله ماليا علاقه الله😭
ردينه: بعدي بعدي ماتقربيش مني😭
مها: ردينه 😭
ردينه : ماتكلمينيش مانبيش نسمع صوتك😭
طلعنا علي صوتهم العالي .. لقيناهم في الدار والزوز يبكو
سلمى: ردينه
ردينه تسكر في ودانها : مايكلمني حدد😭.. مانبيش نسمع لي حد 😭
اني: باهي اسسس تو ماما تسمعك
ردينه طلعت من الدار : خلووني برووحي مانبي نشوف حدد😭 "وطلعت تجري "
سلمى ومها جو بيلحقوها
اني: خلوها شويا مع نفسها تو تهدا
مها نهارت وطاحت ع السرير : الحقيير هدا 😭 .. علااش اني علااش ... مستحيل نقوول باهي اني مستحيل نوافق 😭
نسيبه جت وحضنتها : اهدي باهي اسسس مافيش حد يغصبك علي حاجه انتي ماتبيهاش
مها: مسستحييل ناخده تسمعوو فيااا مستحيييل😭😭
نسيبه: الي تبيه يصير غير اسس
~
~
~
~
مرت عمي ام لؤي سمعت بمرت خالي جايه تخطب بس ماعرفتش مني ؟
لؤي: امي وين ماشيه
مرت عمي: لي حوش عمك جايينهم خطابه
لؤي: جماعه امل
مرت عمي: لالا مرت خالهم
لؤي ناض واقف: شنووووو😳
مرت عمي : خيرك
لؤي: مستحييل لزوهاا مستحيل ياخدهاا😠
مرت عمي: خير بلاك تي شن هو المستحيل
لؤي: تي قسم بالله ماهي ماشيه الخطبه علي خير .. تي والله لما نقلبها علي روسهم 😠 "وطلع من الحوش متعصب "
مرت عمي: لؤي يالؤي .. بسم الله تي شن جاه تو كان كويس
~
~
