صدمة حياتي

الحلقة الثامنة عشر

ماما: شيماء ردينه مهاا هيا نوضو وقت علي قرايتكم

اني: باهي ياماما مزال بكري

ماما: شن بكري الساعه 6 هيا

ردينه: واااك ياماما منوضتينا من 6 علاش😣

ماما: اسسس انتي تبيلك ساعه قدام المرايا نوضو هيا

مها: باهي باهي نضنا

ماما: نوصل للصاله نلقاكم قدامي

اني: غير باهي

ماما: وايهه انتي شن مرقدك جنب خواتك ومخليه دارك

اني: اهو قلتاها جنب خواتي مش في الشارع شن فاها يعني

ماما: بنات ماعندهم غير طوله اللسان هيا نوضو 😒

مها: نضت 😑" وناضت خشت للحمام "

طلعت ماما بعد المحاضرة والهزايب ... فتحت الدولاب خديت منه دبشي الي حولته من دارنا لي دار خواتي ... وخشيت للحمام التاني ... اما ردينه قعدت راقده ✨

~

~

~

عمي: باش ترفع اختك للجامعه

لؤي: حولتلها وراقها

عمي: اي امس مشيت وتميتلها إجرائاتها

لؤي: باهي انشاءلله

عمي: حطها وتعالا للمكتب سادك من رقاد

لؤي: باهي يابوي باهي 😑

نسيبه: صباااح الخير

عمي: صباح النور شن وتيتي روحك

نسيبه: اي خلاص واتيه

لؤي: هي اطلعي قدامي 😑

~

~

~

عمر: هياااا ياردينه سااعه الهم

امل طلعت من الدار بسرعه : عمر حطني في طريقك رضوان مش فاضي

عمر: تي واااك قداش مني الزح

لؤي: خير عمك من الصبح تعيط

عمر: شن منوضك الصبح انت

لؤي: بنرفع نسيبه للجامعه

عمر: جيت وربي جابك .. ارفع معاك سلمى ومها وردينه اني بنحط امل

لؤي : باهي خلاص

عمر: منور .. هيا ياأمل

امل: هيا هي

طلعت امل وعمر .. وطلعت وراهم اني مشيت للمدرسه

لؤي: هيا من مزال

مها: ردينه ديما اخر وحده

لؤي: اركبو انتم في السيارة وتو نستناها