عمي: السلام عليكم
كلنا: وعليكم السلام
عمي: كيف حالها بنتي اليوم 💓
سلمى: الحمدلله عمو احسن☺
عمي قعمز جنبها وشدلها يدها : عارفك قويه اني وحاترجعيلنا سالمه
ابتسمت سلمى بضيق وشبحتلنا : مرضي صعب الواحد يتعافا منه 😢
قدم عمر من السرير والدموع معبيه عيونه: احني شن قلنا على هالكلام امس💔
سلمى: مانبيكمش تعيشو علي امل هو في الأصل مستحيل😢... كلنا عارفين السرطان شنو 😢.. حانتعب وحايديرولي كيماوي ... يطيح شعري 😢 وحانبدا نخسر كل حاجه حلوة في جسمي 😢.. وشويا شويا لين نموت 😭 .. هدا هو السرطان 😭
فجأة الحجرة ولت هدووووء ومافيهاش الا صوت سلمى وكلماتها وهي تحكي ع المرض وكيف حايتعبها 💔 ... شهقات امها.. دموع عمي .. الم عمر ودموعه .. دموعي ودموع رتاج ونسيبه ... ياااربي مش قادرين .. مافيش حد فينا يقدر يحبس دموعه ويوقف جنبها ويقواها... مسحت سلمى دموعها وابتسمت 💔
سلمى: نبي نطلع من المستشفى .. نبي نعيش اخر ايامي واني بقوتي ... مانبيش ناخد جرعات الكيماوي وعارفة مش حايفيدني 💔
عمي: لالا شن تقولي .. اني حكيت مع الدكتور وقال حالتك قاعده في البدايه حاتخادي العلاج وحاتتحسني صدقيني
سلمى: مافيش حد ناض من هالمرض ياعمي 😭 .. نبي نموت واني بشكلي مانبيش نخسر شيء 😭
عمر: سلمى 💔.. سلمى شوفيلي 💔.. حانسفرك باهي .. حاتاخدي العلاج وحاتتحسني .. حاترجعي زي قبل صدقيني .. اوتقي فيا انتي بس 💔
هزت راسها ودموعها كل مالهم يزيدو: مستحييل اني مانبيييش نتعاالج مستحيييل 😭😭
مرت عمي: خلاص باهي الي تبيه حايصير 😢 غير امسحي دموعك واهدي وراس بنيتي 💔
طقطق الباب وخش الدكتور : صباح الخير
عمي: صباح النور
الدكتور: شن سلمى حالك احسن اليوم
سلمى: الحمدلله😢
الدكتور: لالا مانبوش دموع احني خليك قويه وساعديني ..باش ترجعي لي عيلتك
سلمى: نبي نطلع من المستشفى اني😢
الدكتور: ان شاءلله نكملو العلاج وتطلعي باهي💓
سلمى: مانبيش نتعالج نبي نطلع توا 😭
الدكتور: لااا الكلام هدا مايصيرش .. تتعالجي قبل وبعدها تطلعي ان شاءلله
سلمى: لالا مانبييش😭
عمي: مسكرة راسها ع العلاج يادكتور
الدكتور: خلونا بروحنا شوي لو سمحتو
عمر: بنقعد معاكم
الدكتور: لو سمحت استاد هدا شغل
