ماما: هيا الناس قريب يجو
اني: واتيه خلاص
امل: اميمه كلمتني قالت في الطريق تو نجيب العصير معاي
اني: تمام خلاص وكل شيء واتي
امل: اها نمشي انبدل اني
اني: تمام
طلعت امل وخشو البنات .. قعدو واقفين ويشبحولي .. اني اندير في الروج شبحتلهم من المرايا
اني: لو تبو تحكولي على نفس الموضوع الأحسن انكم تسكتو
رتاج: قرارك غلط وحاتندمي عليه
ردينه: مزال عندك فرصه ارفضي ياشيماء
مها: الراجل كبير عليك ومتجوز قبلك تلاته
نسيبه: ماتخافيش بابا معاك وحايكلم عمي
سلمى: كلنا معاك ارفضيه خير ماتندمي
حطيت الروج ع الزيانه ووقفت قدام كل وحده وانرد ع الي قالاته ✨
اني لي رتاج: ليش قراري غلط .. بالعكس الراجل كبير وواعي وبإدن الله مش حانندم
وتلفتت لي ردينه : مش حانرفض خلاص خديت قراري
وشفت لي مها: عادي تاخدي اكبر منك احسن ويعاملك زي بنته ... وبالنسبه لي نساوينه خلاص هو طلقهم وصفحه وطواها من حياته
وقفت قدام نسيبه وابتسمتلها : مش خايفه ولو كنت مانبيش حانرفض وحانواجهه بابا
شفت لي سلمى وحركت يديا: مش حانندم ماتخافيش
ابتسمتلهم وطلعت من الدار 💔 ... كان خاطري نحضنهم ونبكي ... انقولهم الي في قلبي .. اها مانبيشي وعارفه روحي حانندم ... خايفه نرفض وبابا يدير حاجه ... كل الي ندير فيه ع خاطر سبب واحد بس ... نبي نتبت للكل انه انا قويه .. ومش حاننكسر لانه خدلني الحب مرتين💔... طلعت من الدار سمعت ماما تستقبل فيهم ومدخلتهم للمربوعه ... وامل واميمه في المطبخ خشيتلهم✨
اني: اهلا اموم شنجو
اميمه: اهلين😍 تهبلي طالعه
اني: سلمها عيونك الحلوات
امل: شكلها امه واخته الي جو
اني: مش عارفه مرات
اميمه: خليك شويا وبعدها دخلي العصير وخشيلهم
اني: شن جبتي نوعه
اميمه: شكلت فراوله ومانجا وجبت معاي ماكرون
اني: نجك انشاءلله مانفقدوك
اميمه: لو مافرحتش لي خواتي لي من بنفرح
اني: سلمها💋
~
~
~
