صدمة حياتي

الحلقة الخامسة والثلاثون

اني:😳شن ادير

مصطفى قام راسه وهو متوتر: ولاحاجه .. خيرك راقده ع الكنبه ؟

اني : صليت الفجر .. وسهيت ع الكنبه

مصطفى يشبحلي ويدف في المرش المكسور برجله تحت السرير : خشي دوشي على ماطلبت الفطور

طبست وقمت جزء من الشيشه المكسوره .... حسيت جسمي انشل ودموعي تعبو في عيوني : تشرب😢؟؟؟

مصطفى سكت

اني: علااش؟؟ .. شن الي مخليك تشرب من اول يوم في جوازك ؟... شن ناقصك وشن قصرت فيه !! ... ليش نعرف الواحد لما يشرب 😢... يفش في غله وفي همومه في الشرب .. انت شن الي مخليك تشرب من اول يوم

خدي من يدي الشيشه بقوه ويحكي هو ومتعصب: ماتتفلفسيش عليا ع الصبح😠... يعني انتي عارفتيني من الأول نشرب

اني:😳 عارفاتك ؟؟.... لا والله مانعرف انت عمرك ماحكيتلي

ضحك بهزوه: يعني اني صاحب بوك متوقعه مني نكون شيخ جامع متلا😂

اني بعلت ريقي ودمعتي نزلت

مصطفى: فكيني ترا ... هدا اني وهدا طبعي .. واخر مرة تدخلي وتحاسبيني

اني: بس اني مرتك ومن حقي نتكلم معاك واناقشك 😢

دفني بقوه لين طحت ع السرير ✨

مصطفى: اخطيني ترا 😒"وخش للحمام"

قعمزت ولميت ركابي ع صدي .. بكيييت بكيييت بكيييت لين قلت ياسر ... كنت نحساب اسعد ايام يمرو ع البنت هي اول ايام جوزاها ... يفيقها بكلمه حلوه .. بلمسه يده حنيته .. واهتمامه! .... بس انفيق ونشوفه يشرب!! ...يعيط عليا ...ويعايرني بأهلي !... يمد يده من اول يوم في حياتنا مع بعض ! ... ومن اول نقاش صار بينا ! ... لييش يادنيااا مصره تصدميني وتقهريني💔

~

~

~

فتحت امل عيونها ببوسات من عبدو 💓

امل: بعد عليا😒

ابتسم واتكى جنبها : معقوله في وحده تقول لي راجلها في يوم صباحيتهم بعد عليا

امل: انت عارف شن قلت امس

عبدو: ماقلت شيء انتي كبرتي الموضوع

امل:......

ضحك ولف يديه ع خصرها : رقدت من غير عشي امس😉

امل : التلاجه معبيه😑

عبدو: لااااا .. هاتي ودنك انقولك شن نبي

امل تضحك وادف فيه: وخخررر ههههه عبدو يابارد

عبدو: اسسسسس بس

🔞🔞🔞🔞🔞🔞

~

~

~

ماما: ردينه مها .. نوضو ياماما