بغداد

الفصل الثالث

#بغداد
الفصل الثالث
#بقلم-اسراء-الجميلي

كلنا كمنا نبجي وي ابوية حتى اخوتي الولد ..
اخوتي مهند و احمد كل الوقت يگضوه يم علي ابيته ..
تغيرو علينه كلش ..
اما امي بس ادز بهالغراض و متلحك ..
يعني ابوية يتسوك ادزله من المسواك ..
مهند و احمد بدو يصيحون على امي و اي شئ تحجي وياهم يكلولها ..
ديلا يلا يووم اسكتي انتوا خلك تبعية ..
يحجون عليها و يجاوزون و اي شئ تكول ..
يكولون : انتِ سكتِ متعرفين تحجين شئ ..
تسكت و تنقهر و ماكو فايدة ..
عيب امي ما تنقل لـ ابوية عصيان اخوتي و تجاوزاتهم ..

( أني امي من كربلاء و ابوية صار شغله اهناك و هي بت خالته ..
كعد يمهم و حبها و تزوجها ..
اجه البعث فرقهم طلعوا عراقيين كالوا عليهم تبعية ..
كل اهلها طلعوا ناس راحت الـ ايران و ناس بـ اوربا بس امي بقت )

فـ هدى الخاينة للملح و الزاد كامت تكولهم امكم تبعية و حجت عليها كومة ..
هي يجتمعون يمها بنات عمامي و اقاربنه ..
الوضع عجب السيبنديه كله بنات و همه بعدهم صغار ..
تونسوا على الوضعيه البيت علي ..

الى ان يوم اجوي اثنينهم على امي ..
يوووم اريد نتزوج ؟
اي يمه يوم الهنا تزوجون سوة ..
( امي بس تريد تخلص منهم اتكلي بلكي يلتهون بمره و يعوفوني بحالي )
اثنينهم حجوا بنفس الوقت ..
امي : من هي سعيدة الحظ يمه ؟
مهند : اريد اتزوج خلود ..
احمد : اريد اتزوج خلود ..
امي : يا خلود شنو اثنينكم تريدون بنات نفس الاسم ؟

مهند : خلود بت عمه هناء ..
احمد : خلود بت عمه هناء ..
امي : صخام بوجهكم ..
تريدون تزوجون نفس الابنية ؟
صاحوا اثنينهم ..
مهند : خلود تحبني اني ..
احمد : خلود تحبني اني ..
امي : انجبووووووا اثنينكم زماااااايل ناصبة عليكم اثنينكم ..

صفنوا اثنينهم و عيونهم صارت حمر دم ..
اكتشفنه بعدين خلود مقشمرة عليهم اثنينهم و ياهو الي يرضى بيها تزوجه و بمساعدة مرة العود هدى ؟
بطلوا اثنينهم مرادوا يتزوجون خلص ..

بالذات احمد كلش اتكئب و صارت نفسيته زفت ..
ميتحمل حجاية و بس امي خطية متحملته ..
اويلي عليج يووم اتحملتي كلشي ..

قرر خالد يطلع ابيت وحده فابوية كله ليش اتاجر العمارة مالتنه فرغت بيه شقتين ..
خالد : يابه وحدة الي اللخ المن ؟
بابا : سكت و خله ايده على خده ..
خالد : يابه ليش مترضه على علي و تسكنه بهاي الشقة .. الايجارات هلكته و مدا يلكه شغل ..
اذا انتوا اهله متوكفون وياه منو يوكف ؟
ابوية سكت امي الطيبة الحنونه سمعت الحجي اجتي عليه ..
عيني ابو علي هذا ابنه الجبير شنسوي ؟
بعدين اكو ولد يسوون اكبر و اهلهم يسامحوهم ..
المهم ربك يحميهم و يحفظك الهم ..

قنع ابوية بعد جهد و اجه علي و هدى و باسوهم و تصالحوا ..
اخذو اخوتي كل واحد شقه ..
طلعوا كلهم و فرغ البيت علينه ..