بغداد

الفصل السادس

#بغداد
الفصل السادس
#قصص_اسراءالجميلي

كل البيت كعد نسوان و زلم ..
باوعنة طابوكة جبيرة مال بناء و ملفوف عليها ورقة مكتوب بيها :
(( صفينه اثنين من هذا البيت تريدون بعد ؟؟؟ ))

ثاني يوم من الصبح طلعنه كلنه و رحنه البيت عمتي الي هي تصير بيبية كرم ..
جنت حايرة بروحي و الطلقة بعدها برجلي جوة ركبتي اليمنه ..
ودوني مستشفى و سولي عملية و نجحت الحمدلله ..

كل ضيمي و ام كرم بس اتذب بالبسامير : ما اريدج و ما احبج و متصيرين مرة الابني ..
اني بس اسمعها و ابجي و اسكت ..
هي متحجي و كرم موجود من هو ماكو يبدي لعبان النفس ..
اخونه العود ابد لا يسال و لا يكول بس يجي كل خميس يدور ثواب ..
اصلاً بالچذب مگال تعالو گعدوا يمي ..

اهلي جان عدهم فلوس بالكنتور من ماتوا طلعتهم انطيتهم الاحمد اخوية ..
الصرف تقريبا كله على اخواني ..
كرم رجع يشتغل بمحل الحلاقة و همين شتطلع فلوس يتسوك للبيت ..
عفنه بيتنه و العمارة و المحل و كلشي ..
قرروا اخوتي ياجرون بيت لان تعبنه يم العالم ..
كرم الوحيد الي حسيناها يتوسل بينه من كل قلبه حتى نبقه يمهم ..
الله يخليكم وين رايحين و الله منوريين البيت و احنه كلش فرحانين بوجودكم ..
و يدغ ابامه يريدها تحجي ..
ام كرم : يمه عوفهم براحتهم بعدين سمعتهم يريدون يجيبون خطيبة وسام حتى تبقه يم مريم شلون يجيبوها يمنه ..

وسام انطه فلوس الاهل خطيبته حتى يسون حفله ..
اجرنه بنفس منطقة بيت عمتي من الخوف و جابوها اهلها حتى بدون زفة ..
صار احد نفس وياية و جنت كلما اتعب و نفسيتي تدمر .. يروح خالد خطية يجيب كرم علساس عازمه حتة شوية يغير الي جو ..
تدرين مريم كرم يريدج ؟
اني خفت من گلي هيچ گلت يروح سامع شئ ..
شنو مفهمت شيريد مني ؟

خالد : يعني يريد يتزوجج و هو حاجي وي بابا ..
جان موافق هو و ماما بس منتظريج اتكملين المعهد يلا ..
اني : هاااا الله يسهل ..
هسه مو وكته هالكلام خلودي ..
عرفت خالد چان يجيب كرم لان يدري بموافقة اهلي و حس بيه ارتاح بوجوده يمنه ..
و فعلاً راحتي الوحيدة چانت بوجوده يمي و حواليه ..

خالد : و اني ادري انتِ تعزي بس متريدين تضوجين احد بينه و متريدين تفرحين و اهلي بعد السنة مطلعوا ..
من حجه هيچ متحملت بعد كمت ابجي و خليت راسي بين اديه ..
خالد اهلي كسروا ظهري و اذوني كلش ..
اجه خالد و اول مرة هيج يسوي ويايه ..
حضني ..
حبيبتي اختي تكبرين و تنسين و تصير سوالف ..
اهم شى سوي كل الي يرضيهم عليج و همه بمكانهم ..

مرت الايام بديت التهي بدراستي ..
اني و زوجة وسام نسرين علاقتنه حلوة الحمدلله ..
ناس تساعد ناس ..
بس كل واحد ملتهي بروحه من اخوتي ..
احمد راح اتعين بالجيش و استلم اول راتب اله و اجانه للبيت ..
احمد : هلا بحبيبة اخوها شلونج ؟
اني : هلو حمودي ها اشو مطولت و نزلت ؟
احمد : اي مو سلمونه الراتب ..
و طلعه من جيبه و خلاه ابيدي ..
حبيبتي هذا الراتب يمج شنو يعجبج سوي بيه ..
لعد و انت شلون ؟
اني شنو اسوي بيه من انزل عود انتي انطيني ..
كمت عليه و بوسته ..
تسلم حبيبي ربي يخليك اليه ..
يا رب ما اقصر وياج ..
صح مراح اصير مثل بابا بس احاول اكون جزء من تصرفاته ..
نزلت دموعي و كتله :
احمد انتوا ممقصرين بس اني احس ما الي نفس بـ شئ وراهم ..
ميهم حبيبتي الله اخذهم يمه بمكان احسن منه ..
الحمدلله على كل حال ..