بغداد

الفصل الحادي عشر

#بغداد
الفصل الحادي عشر
#بقلم_اسراءالجميلي

من طلع كرم جان باقيلي كم فلس من ورث اهلي ..
لان من اول مستلمته اجانه خالَّ كلي اكو كاع ليش ما تشتريها الج ..
مدام عندج فلوس ..
خالو بنيتي تره الفلوس تنصرف و تروح متحسين بيها ..
سمعت كلامه و انطيته اربعين مليون و اخذلي كاع ٤٠٠ متر و الباقي خليتهم بالبنك كلت للايام السودة ..

بس مرت الايام و الاسابيع و نسيتهم و لا ابالي و لا بحالي ..
شوية ضنكت بينه الدنيا و اتذكر كرم يطلب خالَّ الصغير عشرين مليون ..
كال اجيبهم اشتري سيارة اطكطك بيها لان الراتب ماله كام ميكفينه ينطي منه الـ امه و البيتنه يعني فاتح بيتين فمدا يلحك حبيبي ..

راح طالبه بيهم و اجاني فاير نار ..
تدرين هذا خالي الحقير يرفض ينطيني فلوسي ؟
يكلي من جنت مسجون جنت اصرف بيها للمليشيات حتى يطلعوك كلشي ما بقه عندي ..
اصلا چملت فوكاهم ..

على كيف كرم شبيك ؟
ترى خالك من جنت ماكو مقصر ويانه ؟
بس هو جان ياخذ مني فلوس يكول الذولاك الناس علمود كرم ..
وج يا مقصر وج هو جان ياخذ منج فلوس الهوى الي يتنفسه هو و اهله ..
اه ربي شنو اسوي ..
اهلي و ناسي يبوگوني ..

ردت بس اهدي ما اريده ينزعج لو يتعب ..
صح تحجي بس هو ابد مقصر بشئ ..
حتى من طلع ورثي اخذ مني فلوس كال يروح تصرفيهم و اشترالي كاع ..
شنو ؟ صدك تحجين انتِ ؟
و شلون اتامنين ؟
زين وين السند مال الكاع اريده بسرعة ..
كرم اني من حصلتك حجيتلك بالتلفون و كتلي براحتج فلوسج حرة بيها ..
باوعلي بعجب ..

اني بيا حال و حجيتي ليش اني بوعيي و بعدين مو هالكد مبلغ جبير ؟
رحته جبته ركض و ميته خوف ..
شافه و كام يلطم لازم السند ابأيد و يضرب بالثانية على راسه ..
وج هاي كاع جواها مي متصلح للبناء خبحظي المصخم اويلي ..
وج شكد اخذ منج ؟
اني بخوف و ارتباك : اربعين مليون ؟
شنو اااااااخ يابه اشلع شعري وج شبيج ما صبرتي !!!

اكلك اني شمدريني ليش اتعيط عليه مو جنت وحدي و محد يمي ..
و خابرتك بعد شنو اسوي ؟
بعدين هو الوحيد الي وكفلي و ظل ويايه ..

وج ظل وياج حتى يسحب بكيفه يا الثولة يا الحماره ..
اشكرك عود كلت بعد ما اغلط و حلفت ..
رجع نصه صوته شوية ..

وج شسوي حتخبليني ..
زين اذا هو عشرين نكرهم عليه شلون يرجعلي اربعين .. اويلي يابه صبرني شنو ذولة الاقارب العقارب ..

اصر كرم الا يروح و يحجي الـ امه و خواله الباقين و خالاته يكول حتى ياخذون الحذر منه و يعرفوه هو من يا طينه قذره ..
صار عياط ابيت اهله ناس صدكته و ناس كذبته بس امه وكفت ويانه و ابد ما انطت بينه ..

كالتلهم المطيرجي و الحواسم كلشي اتوقع منه ..
ربي على الظالم ..
حسبي الله عليك اخوية ابن امي و ابوية ..
بس اكثر عائلة جانوا واكفين وي الخال منو ؟
اخوية التحفة و مرته ..