بغداد

الفصل الرابع عشر

#بغداد
الفصل الرابع عشر و الاخيييييير
#بقلمي_اسراءالجميلي

ها عيني ابو زيد خير ؟
ام مهند اذا احد جابلج خبر عن زوجج او ابنچ شنو تنطيه ؟؟
عفية احجيلي فدوة الربك اروح ..
انطيه كل الي ربي يقدرني عليه ..
حسيت بفرح غمرني كلي ..
دعيت ربي هالمرة احساسي يكون صحيح .

ابو زيد : اختي العزيزة خابرني ابو مهند ..
صدك تحجي ابو زيد امانة الله صحيح كلامك ؟
لحظة بحياتي كأنها حلم ..
مرات واقعنه هالگد ما يكون غريب و صعب تصديقه نحسه حلم ..
ابو زيد : اي و الله ام مهند و حق غربتي اثنينهم زينين و بخير ..
اني : ربي فدواتك ..
ابو زيد : لاكي رقمي يم واحد مهرب لازميهم الجاندرمه التركية ..
و مرجعيهم و بعد كم يوم يعيدون المحاوله  ..

ملگيت اي كلام ثاني ممكن اگوله للرجال ..
بقيت اباوع عليه و اضحك ..
بعدها نزلت سجدت بالكاع ..
على حجار و رمل المخيم ..
ربي احمدك و اشكرك ..
ربي فدواتك حبيبي ربي ..
مخيبتني ظني و فرحتني بسندي بعدك و ابني ..

ابو زيد : كومي خيه وحدي الله و بالليل راح يتصل بيه مرة لخ ..
لا اله الا الله ..
گمت على حيلي ..
اشكرك ابو زيد ما اعرف وين اودي جمايلك ..

راح الرجال و بقيت انتظر الليل عبالك راح اشوفه الحبيبي ..
بالتسعة بالليل اجاني الرجال و دك التلفون و انطانية ..
يأشرلي ابو زيد افوت جوة بالخيمه ..
ابتسمتله و شكرته بنظرات عيوني ..

دخلت و حچيت وي كرم و كأنهُ اول تلفون بينه ..
شلونك يا نظر عيني ؟
هلا حبيبتي حمدلله على سلامتكم ..
حياتي انت حمدلله على سلامتكم انتوا ..
ردت اموت من قهري ما خليت امام ما نخيته و دعيته تردون اليه ..
الحمدلله حبيبتي احنه فد اربع تيام نطلع ..
عفية كرم ليش ما ارجعلكم و ننهي هذا الموضوع ..
شلون كرم و الله بعد ما بيه اتحمل ..
عصب برده اليه ..
انتِ شتحچين مريم ؟
كل عقلچ بعد الي قطعناه ممكن ارجع ليورى ..
و المن ارجع فهميني ..
احنه ودعناه و خلص ..
نرجع للتركيا ..
منو يدخلنه تركيا بعد ؟
ها هي من طلعنه و صار اسمكم اهنا ..
حيسون منع علينه خمس سنوات ..
لعد شلون اني خايفه عليكم حبيبي ؟

رجع يحچي بهدوء ..
حبيبتي لا تخافين فوضي امرچ لـ لله ..
و تشوفين الخير و راحة البال بجمعتنه يا رب ..
سكتت اخذت نفس عرفت بصوته المصر ماكو امل بأي شئ ثاني غير الي هو يريده و متخذ القرار بيه ..
اي حبيبي خير يا رب اني منتظرتكم على نار ..
ادعيلنه مريمانه ..
ترى بعد ما اكدر اخابرج لان غالية ..
اخابرج بيوم طلعتنه حتى تدعيلنه بالسلامة ..
انطي فلوس جيتنه لابو زيد و هو يوصلها للمهرب الي راح يطلعنه ..

لان الفلوس مالتنه الباقية كلها يمي ..
حاضر روحي انت ..
حبيبي راح ابقه ادعيلكم كل دقيقة لحد متجوني و اكحل عيوني بشوفتكم ..
مودعه بالله حبيبتي ..
الله وياك عمري محروسين ..