بغداد

الفصل السابع

#بغداد
الفصل السابع
#بقلم_اسراءالجميلي

لان كلامج دا احسه ديدخل القلبي مباشرة و ديحسسني اني شى مهم بالحياة ..
اممممم خوش لعد ..
احبك و احبك و احبك ..
تدرين اني راح اكطع النفس لان راح اشتاق الاربعة همه اهم شى بحياتي  ..
اني : منو ذولة الاربعة عيني ؟اني و امك و ريم الرابعة منو هااااا ؟
الرابعة بغداد ..
ههههههه اكول هاي منو الرابعة !!!!!

صدك انت ليش هالكد تحب بغداد ؟
و الله ما ادري مريمانه ..
يمكن لان مشفتها زين بصغري ..
او لان فتحت عيني عليها و رغم الضيم و القهر لمتني و احتضنتني ..
بكل لحظة ألٓم چنت احس بيها ..
اروح على دجلتها يسمعني ..
و الاهم خلتني اتعرف على احسن ناس ..

لزم حنچي بيده و تقرب عليه شوية ..
كمت اشم ريحة انفاسه هالكد ما قريب ..
اتقرب و باسني عبالك حضني بشفايفه فوگ حضنة ايدها ..
جسمي صار مثل سفعة النخله بريح عاليه ..
كله يرجف من اصابع رجلي لحد راسي الي لزمه بأثنين ايده ..
هو صح چان يبوسني من شفايفي ..
بس كلشي ما اتذكر من هاي البوسه ..
غير الاحساس الي حسيته ..

قلبي صار طبل مال عرس ..
الي صار بجسمي من شعور ..
كلما اتذكر الموقف يرجع يصير بكل لشتي و جزء بيه ..
احساس بالفرح على شعور بالغرابه ..
على اعجاب و لهفه ..
تمنيته بلحظتها زوجي و سكني و الي ..

رجع حچه بهمس شفايفه الي قريبه من شفاهي ..
يمكن لان روحي بيها الي هي انتِ و احلى ايام حبي بيها ..

على غفله ابتعد عني ..
بقيت اباوع عليه بعجب و بتساؤل ليش عفتني !!!

ركزت شوية سمعت صوت على الدرج ..
نزلت نسرين من فوك ..
ها كرم انت اهنا ؟
جاوبها بكل آدب و وقار و لا عبالك نفسه الجرئ الي چان يبوسني هسه ..
اي و الله هسة اجيت اريد اودع الولد و مريم لان مسافر عدي شغل بالبصرة ..
اهااا مودع بالله ..

شوية و اجوي اخوتي سلم عليهم ..
ديروح كلي گدامهم ..
حبيبتي اني اروح لان باجر اطلع من الفجر ..
ماما راح تنطيج فلوس كل شهر و اني ادزلها الفلوس اتكمل جهازج كله ..
تسلم الله يخليك ..
اخوتي كلهم : انت متقصر كرومي وردة انت ..
كرم : الله يبارك بيكم و يحفظكم النه ..
سلم علينه و راح ..
اهجس كانوا اخذ روحي وياه ما بقت يمي ..

جنت هواية ايام ابجي عليه بكد شوكي و احتياجي و حبي اله ..
بدو امه و اخته يجيبولي ( احلى الملابس ) ..
طبعا يلعبن ميت نفس كلها حاجه ب خمسة لو بتلاثة من باب المعظم ..
وين الاناقة و الاتكيت الي رادوها بيه ..
تخزي الملابس تنطيها للفقير تكولين عيب ..
بس چنت اخذهم و اسكت ..
جابولي ذهب مستخدم كله ميطلع ٣ مثاقيل هالكد ما كشر و خفيف ..
اني اعرف كلش زين كرم ميدري بالي يسوه ..

اتقربت ايام عرسي و علساس اروح الصالون تعرفه نسرين زوجة وسام اخوية ..
ريم رفضت و تكول اعرف وحدة ام صالون ابيتها فاتحة كلش زينه ..
رحت عليها و حركت شعري و متت قهر بس شيفيد ..