بغداد

الفصل العاشر

#بغداد
الفصل العاشر
#بقلم_اسراءالجميلي

بس مو ممثل فرحتي من حسيت ربي نصرني باقل من ست شهور ..
الصدگ حبيت الي سوته من باعت بيتها ..
يمكن بالاخير من فقدت كرم حست بيه ..
دومي اتمنى ترد علاقتهم احسن من قبل ..

فـ كملنا البناء بسرعة ..
رحنه كعدنه بيه و اثثته براحتي صح اثاث بسيط و على كدي ..
بس حلووو بالنسبة النه لان يخصنه ..
الله محد يتخيل السعادة الي اني بيها طايرة طير ..
صح حامل و تعبانه بس ساعدوني ريم و نسرين ..
ريم بعد زواجتها من اخوية كلش تغيرت ويايه ..
عبالك مو هي نفسها الي چانت تلعب بيه طوبه ..
خالد اتزوج مرة ثانية بنية ارمله بس كلش حبابه وياهم وكفوا ويايه معافوني ..
بس العود هو و مرته و لا اتقرب و لا اجه يمنه ..

دخلت بالتاسع و اجه كرم و رحنه للدكتورة ..
من رجعنه دنفوت ابمنطقتنه و جان ياخذون جنسية كرم و ابو التكسي و لعبوا لعب بالسيارة ..
و بالتالي اخذوا كرم ..
ظليت ابجي و اتوسل و ماكو فايدة ..

راح كرم وي كومة ناس راحوا و بهذا الوكت عرفت عدوي من صديقي ..
راح حبيبي و ابوية و امي ..
الفرح ميلوگلي ابد ..
من مشت السيارة الي بيها هو ..
شحطها السايق اشوف التراب الي خلفته وراها ..
تراب بگد كل لحظات القهر الي شفتها و مستمره دا اشوفها ..

اخوية الجبير يشتغل باحد الميليشيات ..
رحت توسلت بيه و ابجي ..
نزلت الايده ابوسها بس يطلعلي زوجي ابو جهالي و ب هدى و ماكو فايدة ..
يكولون ما نكدر نسويله شئ لان منعرف وينه ..
اخر شئ جريت ابني و ذيال الفشل ويايه دا اطلع ..
جان تكلي هدى : شفتي شنو صار بيج و بعد و بعد الحبل عالجرار ..

باوعتلها و شفت نظرة الشماته بعينها ..
اني متت قهر و اخوية حتى ما كال اوصلج طلعت وحدي وي مهند و بطني شكبرها ..

امه خطية ادمرت بس تبجي و صار بيها سكر من القهر و اني انجنيت حتى مكانه ما اندله ..
امه بهاي اللحظات صارت امي فعلاً ..
مشايفتها بهيچ صورة ابد ..
حسيتها شگد تحب ابنها ..
تأكدت الي چانت تسوي چان مجرد غيره فارغة و حچي ناس بأذانها ..

بعدين خالَّ الصغير الي احنه كاعدين قريبين عليهم ..
كلي خلي اشوف بس ترى يراد فلوس هواية ..
ميهم خالو الي تريدو بس كون يطلع سالم و ما بي شئ و يرد اليه ..
بلغت اصدقاءه الي وياه بالجيش و هم محد ديلكاه ..
بهاي الاثناء اخوتي قرروا يبعيون املاك اهلي و باعوها و طلعلي حصه تسعين مليون ..
و بديت انطي الخالَّ علموده ..

دخلت بالعاشر و بعدني ما والده من قهري و ضيمي ..
بيوم رايحه للدكتورة و شفت صديقة عدي جنت اعرفها بالمعهد و اني دا انتظر يم الدكتورة و حجيتلها ..
صديقتي ضحى : يا عيني عليج يا وردة و الله متستاهلين ..
زين ممكن تكوليلي هو باي سيطرة اخذو و التاريخ بالضبط ..
اني : اي قلبي بس ليش ؟
ضحى : زوجي عنده معارف هواية و بلكي يعرفنه وينه ؟
حسيت بدت علامات النصر تهل عليه ..
حبيبتي ربي يخليج ..
گمت ابچي و حضنتها ..