انت من سيحميني

مفاجأه و تفسير للحلم

في بيت سليم كان البيت صامت و سليم مش بيكلم ساندى ولا بيرد عليها
ساندى : هو انت هتفضل مش بتكلمني كدا و لا بترد عليا
سليم مش بيرد
ساندى : طب فهمني انت مالك ايه اللي عملته ضايقك زعقلى اضربني بس متسكتش كدا انت عارف ان مليش غيرك انت بابايا و مامتي انا مليش غيرك حد
سليم * بحنيه * : وانتي عارفه اني مليش غيرك عشان كدا بخاف عليكي
ساندى : طب فهمني مالك بقا
سليم : انا منبه عليكي محدش يدخل البيت غير لما تقوليلي عشان ابقي مطمن عليكي لكن ارجع البيت الاقيكي جايبه واحده جاره جديده منعرفش جايه منين ولا نعرف عنها حاجه تدخليها البيت ؟؟
ساندى : طب هو مش لازم تفهم قبل ما تزعل و متكلمنيش يمكن انت فاهم غلط
سليم : و هو ايه الغلط بقا
ساندى : دى صحبتي و صحبتي جدا يعني معايا في الكليه و كانت صحبتي في الثانوى
سليم : صحبتك وانا معرفهاش ازاي
ساندى : عشان هى جت فتره و اختفت و معرفتش عنها حاجه و بعدين ظهرت و لقيتها جارتي
سليم : اختفت ازاي يعني
ساندى : مش موضوعنا المهم لسه زعلان ؟
سليم : للاسف مبعرفش ازعل منك
* بيضحكو و بيتصالحو *

لينا فضلت صاحيه طول الليل مستنيه النهار يطلع عشان مامتها تصحي و تحكي ليها اللي حصل
لينا : ماما انا لقيته
حياه : هو مين يا لولو
لينا : اللي بيجيلي في الكابوس و ينقذني يا مامى
حياه : انا مش فاهمه حاجه يا لينا وضحي كلامك
لينا : بصي يا مامى مش انا بيجيلي كابوس من اول ما جينا هنا اني بهرب من حد في بيت ضلمه عشان عايز يموتني و بعدين الاقي عيون بس ظهرتلي و صوت بيقولى متخافيش انا معاكي
حياه : اه
لينا : انا بقا عرفت عيون و صوت مين يا مامى
حياه : مين ؟؟
لينا : الظابط
حياه : مين الظابط
لينا : ياااربي يا ماما ركزى معايا بقولك الظابط جارنا سليم
حياه : اللي طلع اخو ساندى !!!
لينا : ايوه هو يا ماما ، نفس الصوت و ونفس العيون هو ده انا متأكده
حياه : طب و ده معناه ايه
لينا : انا اللي جيالك عشان تقوليلي ده معناه ايه
حياه : انا مش عارفه بردو بس اكيد دى اشاره ليكي من ربنا لحاجه و هيبان ايه هي
و بيقاطعهم موبايل لينا " ساندى "
لينا : الو
ساندى : اخيرا يا بنتي فتحتى موبايلك
لينا : معلش يا ساندى موبايلي فصل من ساعه ما جيت من عندك و مشحنتوش غير دلوقت
ساندى : طب المهم عامله ايه ؟
لينا : تمام الحمدلله
ساندي : بصي احنا ملحقناش نقعد مع بعض امبارح او يمكن مقعدناش اصلا فانا هجيلك النهارده
لينا : خلاص ماشي هستناكى
ساندى : تمام اتفقنا