انت من سيحميني

مرض و فراق

*في مكتب سليم *
سليم قاعد علي المكتب و ماسك ملف في ايده و قاعد يقراه و بيقطع تركيزه رنه موبيله " ساندى "
سليم : الو
ساندى : ايه يا سليم ازيك
سليم : الحمدلله ، في حاجه ولا ايه !!
ساندى : اه كنت عايزه اقولك حاجه
سليم : قولى
ساندى : بقولك ايه يا سليم اللي انت شايفه صح في موضوع لينا اعمله
سليم : والله ! ده ايه التغيير المفاجئ ده !
ساندى : انا مش قاسيه علي فكره و انت عارف كدا بس انا كنت خايفه عليك ، بس انا بردو خايفه عليها دى صحبتي و يعتبر ملهاش حد غيرنا يساعدها ،  وانا عارفه انك تقدر تتعامل في الموضوع ده ، ساعدها يا سليم انت قدها
سليم : كنت عارف علي فكره انك هتعملى كدا ، انا عارف انك طيبه و عمرك ما بتخذلي حد
ساندى *بهزار*  : يلا كفايه عليك كدا متتأخرش
سليم : حاضر
بعد ما سليم قفل مع ساندى لقي الباب بيخبط
سليم : ادخل
العامل : في واحده عايزه تقابل حضرتك يا باشا
سليم : خليها تتفضل
بتدخل هند و معاها شنطه سفر
دخلت هند و مدت ايدها تسلم عليه : مرضتش اسافر غير لما اجي اسلم عليك
سليم *بيسلم عليها *: فيكي الخير والله اتفضلي
هند : اتمني اكون قدرت اصلح اللي عملته يا سليم 
سليم : صلحتيه يا هند و انا متشكر ليكي
هند : انا اللي متشكره انك اديتني فرصه اصلح غلطي ، انا لازم امشي بقا عشان معاد الطياره
سليم : توصلي بالسلامه
هند : الله يسلمك
*فلاش باك ٦ شهور *
موبيل سليم بيرن
سليم : الو
هند : سامحني يا سليم
سليم : انتى ايه اللي فكرك بيا ؟
هند : مفيش حاجه بس ارجوك سامحني و انا مستعده اعمل كل اللي انت عايزه بس تسامحني
سليم : اسامحك ازاي !
هند : انا ممكن اعمل اي حاجه والله تكفر عن ذنبي
سليم : في ايه يا هند !
هند : ارجوك يا سليم اديني فرصه 
سليم : انا مش فاهم ايه اللى جد بعد كل ده ، بس في موضوع محتاج مساعدتك فيه
هند : انا موافقه عليه
سليم : مش تسمعي هو ايه اصلا
هند : لو كان ايه انا موافقه عليه
سليم : بصي يا هند في واحده نقلت المنطقه عندنا جديد دى صاحبه ساندى ، البنت دى وراها مشاكل كتير وانا خايف علي ساندى منها
هند : وانا ايه اللي مطلوب مني
سليم : تعرفيني اي حاجه ساندى تحكيهالك عنها ، انتي عارفه ان ساندى مش بتخبي عنك اي حاجه ، انا بطلب منك كدا عشان خايف علي ساندى
هند : وانا موافقه ،ديل؟
سليم : ديل
*نرجع من الفلاش باك *
سليم : هند ممكن اسألك سؤال قبل ما تمشي ؟
هند *بتقف و تديرله * : اكيد يا سليم
سليم : انتي ايه اللي فكرك بيا  يعني ايه اللي خلاكي تكلميني فجأه و تقوليلي سامحني
هند : هيفرق معاك ؟
سليم : لا عادى بس هتجوبيني علي سؤال شاغلني
هند * بابتسامه و عنيها مليانه دموع * : بكل بساطه عشان انا هموت يا سليم
سليم *بخضه * : ايه !! يعني ايه !!
هند : يعني هموت انا جالي كانسر و حالتي متأخره اوى
سليم : يعني ايه حالتك متأخره لا طبعا الطب اتقدم متخافيش
هند : لا يا سليم خلاص انا بابا سافرني برا و ملقوليش حل بردو
سليم بصلها و عينه مدمعه و مردش
هند : اعترفلك اعتراف ؟
سليم بصلها و حركه دماغه بالموافقه
هند : انا مجتش عشان انت طلبت مني كدا عشان اقرب من ساندى و اعرف اي حاجه جديده ، انا جيت عشان اشوفها و اودعها اشوف وشك بخير ، سلام
سليم *بحزن * : سلام