انت من سيحميني

قساوه و جرح

بعد ما هند مشيت ساندى دخلت الاوضه لسليم :
سليم * و هو ماسك الريموت و بيحول القنوات * : لينا عايزاكي تكلميها
ساندى *بعدم اهتمام * : مش وقته ، بس انت عرفت منين
سليم : كلمتني سألتني عليكى ، بس هو ايه اللي مش وقته
ساندى : كده يا سليم مش جايلي مزاج ارد عليها
سليم : انت اتغيرتي كدا ليه مع صحبتك
ساندى : متغيرتش ولا حاجه كل الموضوع اني مش عايزه اكلمها دلوقت لما افضي
سليم : ليه وانتي وراكي ايه !
ساندى :  بقولك ايه سيبك من لينا دلوقت و قولى عاجبك طريقتك دى مع هند
سليم *باستهبال* : مالها طريقتي انا عملت ايه
ساندى : سليم مبهزرش ، انت مشوفتش نفسك كلمت هند ازاي ، كلمتها ايه انت مكلمتهاش اصلا
سليم : اهو انتي قولتي اهو مكلمتهاش اصلا يبقي طريقه ايه
ساندى : سليم انت مش ناوى تنسي الموضوع ده بقا
سليم : لا يا ساندى عشان ده موضوع ميتنسيش
ساندى : علي فكره انت مكبر الموضوع اوى
سليم *بحزن*: مكبر الموضوع !!! ماشي يا ساندى
وراح سليم سايب ساندى و نازل و هو بيفتح الباب لقي لينا و هي لسه بترفع ايدها عشان تخبط
لينا : ازيك يا سليم
سليم * باستعجال و هو بيعدى من جمبها * : الحمدلله يا لينا عن اذنك
لينا بصت لساندى باستغراب : هو في ايه يا ساندى
ساندى : انتي مالك !
لينا *بتدارى حرجها و بتغير الموضوع*: مش بتردى علي تليفوناتي ليه
ساندى : مشوفتهاش ، و بعدين انتي بأي حق تكلمي سليم تسأليه عليا !
لينا : عادى عشان اخوكي قولت هو اقرب حد ممكن يقولى انتي فين عشان اتخضيت عليكي ليكون في حاجه
ساندى : يا ستي شكرا و انا اهو كويسه و مفييش حاجه ، ممكن تبطلي تقربي من سليم بقا
لينا *و دموعها علي خدها* : انتي بتعامليني كدا ليه ! بس تصدقي انتي صح انتي محدش يلومك انا اللي غلطانه اني حكيتلك حاجه زى دى تخصني و تخص عيلتي ، بس انا كنت فكراكي هتقفي جمبي و تخلي اخوكى يقف جمبي عشان انتي صحبتي الوحيده بس للاسف الظاهر انى انا اللي حسبت الامور غلط
ساندى * بقساوه* : خلصتي ؟
لينا * و هي بتمسح دموعها و بتستجمع قوتها * : اه
ساندى : ايوه صح انتي غلطانه
لينا : ماشي يا ساندى شكرا انا ماشيه
و راحت ساندى داخله و قافله الباب في وش لينا
لينا نزلت من عند ساندى و هي مش شايفه قدامها من العياط و انها مش مصدقه ازاي اقرب صاحبه ليها تعمل معاها كدا
و ساندى قفلت الباب و راحت اعده علي الارض و بدأت تعيط عياط هستيري
ساندى لنفسها : انا اسفه يا لينا انا اسفه يا حبيبتي بس غصب عنى دى الطريقه الوحيده اللي تبعدك عننا انا مليش غير سليم يا ليناااا لازم تقدري موقفي
$$$$$$$$$$$$$$$$$$$$$$$$$$$$$$