انت من سيحميني

السبب وراء تكوين شخصيه الظابط

لينا : يلااا يا بنتي
ساندى : حاضر يا بنتي ، بصي هو موضوع بسيط يعني مش سر ولا حاجه
لينا : ماشي قولى بقا
ساندى : بصي بابى و مامى كانوا ديما بينهم مشاكل فقررو ينفصلو فالمهم بابا خد سليم و ماما خدتني ، في الوقت ده كان سليم متعلق بمامى اوى و بيا و راح غصب عنه طبعا ، بس بابى كان شديد اوى مع سليم زى ما انتي عارفه بابي لواء فبحكم شغله و كدا عصبي و شديد اوى بس هو طيب ، بس كان سليم لوحده معاه ، فكان ديما يتعصب عليه و يعاقبه لو عمل حاجه غلط ، فسليم عاش حياته كلها في أوامر بس اعمل ده و متعملش ده ، فطلع كدا جاف و شديد شويه ، سليم عدد الايام اللي فرح فيها و كان بيضحك من قلبه تتعد علي الصوابع و كان اخرها لما كنا عايشين كلنا سوا تقريبا ، عشان كدا سليم طلع كدا مع اللي ميعرفوش بس اللي يعرفه يعرف قد ايه سليم طيب و قلبه ابيض
لينا * بحزن*: يا عيني ده عاش حياه صعبه اوى
ساندى : اوى يا لينا اوى
لينا : طب و انتو رجعتو عيشتو مع بعض ازاي؟
ساندي : لما بابي اتوفي سليم جه عاش معايا انا و مامي و هي سنه و مامى حصلته فانا مبقاش ليا في الدنيا غير سليم و سليم ملوش في الدنيا غيري 
لينا : طب و انتي ليه كنتي بتتهربي و مش راضيه تحكيلي
ساندى *بإنفعال* : عشان سليم مبيحبش يفتكر ذكرياته دى و الاهم من ده ان دى حياتنا الشخصيه مش من حق حد يعرف عنها حاجه
لينا *بحرج* : ماشي يا ساندى
ساندى : مش قصدى حاجه يا لينا والله معلش
لينا : لا عادى انا فاهمه و ده حقك فعلا
بعد ما ساندى مشيت لينا اعدت تفتكر كلامها و بقيت زعلانه اوى من نفسها انها كانت شيفاه بطريقه غلط و كانت واخده عنه فكره تخوف زى اى حد
لينا لنفسها : الحال من بعضه يا سليم انت كمان طلع عندك مشاكل زى ، و انا مفهمتش ده مع انى كنت المفروض اكتر واحده تحس بيك
و في عز تفكيرها و حزنها بيرن موبيلها و يفصلها " بسنت "
لينا : الو
بسنت : ها قالتلك حاجه
لينا * بزعيق * : انتي بترقبني يا بنتي هو مفيش غيرى انا و ساندى في الشارع كله متبعاه و بعدين انتي مالك تقولى حاجه ولا متقولش ما تبطلي حشريه بقا
بسنت : هو خلاص قلبتي عليا لما صاحبتي غيرى
لينا : اه قلبت
بسنت : ماشي يا لينا بكرا تندمى
لينا : لا يا حبيبتي انا مش بندم علي حاجه * و قفلت في وشها *
لينا لنفسها بعد ما قفلت : انا عمرى ما شوفت حشريه و فضول بالطريقه دى ايه ده !!!!