انت من سيحميني

تغيير و لغز جديد

لينا اعده في اوضتها و بتذاكر بدايه امتحانات الميد ترم بكرا بيقطع تركيزها رنه موبايلها " ساندى"
لينا : الو
ساندى :عايزه مساعدتك
لينا : عنيا بس في ايه
ساندي : عايزاكي تذاكريلي كذا حاجه واقعه مني و مش عارفه ألمها خالص وانتي كنتي بتحضري و اكيد فاهمه
لينا : خلاص متقلقيش و متوتريش نفسك هجيب الكتب و الاوراق و اجيلك نذاكر سوا 
ساندي : يلا مستنياكي
*في بيت ساندى*
لينا : تمام ركزى معايا بقا في الحته دى
بيفتح سليم الباب و بيدخل و اول ما لينا لمحته بصت في الورق عشان ميبصلهاش البصه اللي بتضايقها
سليم : السلام عليكم
لينا و ساندي ردو السلام
سليم : اخبار المذاكره ايه ؟
ساندى : الحمدلله لميت حاجات كتير اوى لينا شرحها جميل مش عارفه من غيرها كنت هعمل ايه
سليم : طب الحمدلله ، شكرا يا لينا
لينا بتتفاجئ ان سليم كلمها و بترفع راسها بتلاقيه باصصلها و مبتسم عكس عادته فردت عليه : العفو علي ايه
سليم : يلا انا في اوضتي لو عوزتي حاجه ناديني
ساندي : ماشي يا حبيبي

لينا بعد ما خلصت مذاكره هي و ساندى روحت و  اعدت تفكر قبل ما تنام كتير ايه اللي غير طريقه سليم معاها كدا !!
لينا لنفسها : انا مش فاهمه حاجه بس كل اللي فهماه اني مبسوطه