انت من سيحميني

سرد قصه الخوف و القلق

بعد ما ساندى قفلت مع لينا راحتلها بعد نص ساعه
لينا اخدت ساندى و دخلو اوضتها
ساندى : ايه يا بنتي في ايه !؟
لينا *بعياط* : خلي سليم يبعد عننا يا ساندى
ساندى : يبعد ازاي مش فاهمه و بعدين ثانيه ده بعد كل اللي حكتهولك بردو ! 
لينا : لا والله انا مش خايفه منه انا خايفه عليه صدقيني
ساندى : خايفه عليه من ايه يعني
لينا : بصي يا ساندى من غير ليه ولا اي حاجه خلى سليم يبعد عننا عشان ميضرش عشان ماما هتدخله في موضوع ممكن يحصله حاجه بسببي
ساندى : هو ايه اسلوب الالغاز ده يا لينا ما تفهميني في ايه
لينا : صدقيني مش هينفع بس اهم حاجه خلي سليم لو ماما كلمته ميردش عليها
ساندى : لينا اتكلمي معايا كويس و فهميني في ايه
لينا *بتردد* : لا مش هينفع
ساندى : لا هينفع ، انتي عمرك ما خبيتي حاجه عنى
لينا : ايوه بس دى مشاكل عائليه محدش ليه الحق يعرف حاجه عنها
ساندى : والله ؟ طب ما انا مشاكلى العائليه قولتهالك ، قوليلي في ايه و دلوقتي انا مش همشي غير لما افهم
لينا : امرى لله ، بصي يا ساندى انا عندى مشاكل كبيره اوى في العيله ، من يوم ما بابا مات ساب ورث كبير و كتبه ليا انا و مامى و بس
ساندى : مش فاهمه و ايه المشكله في كدا ؟
لينا : المشكله جايه اهي ، عمى مش راضي يدينى  حاجه منه و بيهددنى اني لازم اتنازله يإما هيإذينا، و فعلا حاول يعملها مره و خلانا نايمين و ولع في البيت اللى كنا فيه انا و ماما لوحدنا و ستر ربنا ان الجيران لحقونا ، حاجات كتير يا ساندي مش هتفهمي
ساندي : ايه اللي انتي بتقوليه ده ! طب و هو ليه يعمل كداا ؟
لينا : معرفش معرفش مع انه مش محتاح اصلا بس هو من يوم ما بابا مات و هو قلب عليا انا و امي و بقا يعاملنا وحش اوى اوى فوق ما تتخيلي يا ساندي  لحد ما فاجئنا بالموضوع ده كمان
ساندي : انتي بتقولى ايه !! ده عمك بجد !!
لينا :ساندي عشان خاطرى لما ماما تكلمه عشان يعمل محضر و كدا متخليهوش يوافق مش عايزاه يتأذي بسببي
ساندى : ماشي انا لازم امشي
لينا : ماشي
ساندى نزلت من عند لينا و ماشيه و هي في حاله ذهول منها علي ازاي عم يعمل كدا في بنت اخوه الوحيده وعلي خوفها علي سليم ليجراله حاجه
طلعت بيتها و بتفتح باب الشقه لقيت سليم واقف ادام السفره بيحط الاكل
سليم : ايه ده انتي جيتي كنت لسه هكلمك
ساندى مش بترد
سليم : يلا عشان نتعشي
ساندى واقفه بصاله و ساكته
سليم : في ايه يا ساندى مالك ؟؟
ساندى : سليم احنا لازم نعزل من هنا .
$$$$$$$$$$$$$$$$$$$$$$$$$$$$$$