انت من سيحميني

موت و حزن

بعد ما ساندى قفلت مع سليم قررت انها تروح للينا عشان تصالحها نزلت و راحتلها
حياه فتحت الباب :-
ساندى : ازيك يا طنط
حياه *بتسلم عليها *: ساندى حبيبتي ازيك انتي اتفضلي
ساندى : انا تمام يا حبيبتي ، لينا موجوده ؟؟
حياه : لا دى بتشتري حاجات ادخلي زمانها جايه
ساندى : لا انا همشي و ابقي اجيلها بكرا بقا
حياه : لا ادخلى زمانها علي وصول خلاص
ساندى : لا معلش يا طنط مره تانيه ، سلام
حياه : ماشي يا حبيبتي ، سلام
بعد ما ساندى نزلت قابلت لينا في الشارع و هي راجعه ، لينا عملت انها مش واخده بالها منها و ديرت وشها ، راحت ساندى جاريه وراها
ساندى : مش هتسلمي عليا يعني !!
لينا *بتقف * : قولت بلاش عشان مضايقكيش ولا حاجه
ساندى : انتي لسه زعلانه مني ! انتي متعرفيش غلاوتك عندى و متعرفيش انا بحبك ازاي !
لينا : لا ما انا عرفت
ساندى : بطلي رخامه بقا انا جايه اصالحك اهو و قولت لسليم يعمل اللي هو عايزه متزعليش مني بقا
لينا : خلاص مش زعلانه *بيحضنو بعض *
ساندى : لا بس اي الحلاوه دى
لينا : بعض ما عندكم يا عم
لينا و ساندى و قفو يهزروا و يضحكو مع بعض ادام البيت
و فجأه لقو عربيه جايه بسرعه رهيبه و راح واحد طالع منها ضارب نار كتير و جاريين بالعربيه
لينا : سااااااااااندى
و راحت ساندى واقعه علي الارض و هدومها كلها دم و لينا قاعده جمبها و تصوت لحد ما الجيران نزلو
لينا : اسعاااااااااااف بسررررررعععههههه
راحو المستشفي و ساندى دخلت العمليات و بعدين سليم جهه
سليم : اختي فين يا لينا !
لينا *بعياط رهيب * : في العمليات بقالها ساعتين
سليم * و الدموع مغرقه عينه و بصوت واطي و متقطع * : ايه اللي حصل !!
لينا : عربيه ضربت علينا نار
سليم : عمك؟
لينا نزلت وشها الارض
سليم : يعني اختي جوا مكانك !!
لينا : سليم انا ...
سليم *بزعيق*: انتي تخرسي انا مش عايز اسمع صوتك
لينا *بعياط* : سليم انا مكنتش اعرف حاجه والله
سليم : هششششش اسكتي خالص
لينا : يا سليم....
بيقاطعم خروج الدكتور من العمليات ، سليم و لينا جريو عليه
سليم : اختي عامله ايه يا دكتور !!!
الدكتور : احنا عملنا اللي علينا بس ده قضاء ربنا البقاء لله 💔
لينا انهارت من العياط و سليم مسك في هدوم الدكتور : يعني ايه البقاء لله !!!! لا انت لازم تقومهاااا اشفيهاااالي رجعهااااالي انا مليش غيرها
لينا و حياه اعدوا يشدوا سليم و يبعدوه عن الدكتور
حياه : اهدى يا ابني مش كدااا ده قضاء ربنا
سليم : اهدى ازاااااااي ! انا مليش غيرهااااا يااااااارب انا ليه بيحصلي كدااااا ليه بتاخد مني كل اللي بحبهوووووم ياااااارب
لينا : اهدى يا سليم
سليم سابهم و جرى علي العمليات يشوف ساندى
دخل لقاها نايمه و مغطيين وشها ، شال الغطاا و فضل باصص لها و مش مصدق و الدموع بتنزل من عينه و دموعه تزيد كل لم يشوف جسمها اللي اتخرم من الرصاص
سليم : قومي يا حبيبت اخوكى انتي عارفه اني مليش غيرك ، طب اقولك قومي واحنا نبعد عن لينا زى ما انتي كنتي عايزه ، والله يا نور عيني لو كنت اعرف انك انتي اللي هتبقي الضحيه كنت سمعت كلامك في الاول ، سامحيني يا حبيبتي 💔