انت من سيحميني

فرحه و سرور

بليل في بيت سليم
ساندى كانت لوحدها قاعده تتفرج علي فيلم  و سليم في شغله لقيت الباب بيخبط قامت تشوف مين و بتفتح الباب
ساندى : هند !!
هند : وحشتيني
ساندى بفرحه غير طبيعيه راحت وخداها في حضنها و هي مش مصدقه عنيها
ساندى : انتي جيتي ازاي و امتي
هند : هنتكلم على الباب طيب
ساندى : لا طبعا يا قلبي اتفضلي
بعد ما دخلت و قعدوا يتكلمو و الفرحه مش سايعه ساندى انها رجعت
ساندى : انتي رجعتي امتي
هند : النهارده ، لما كلمتيني في الموبايل من كام يوم و انتي بتعيطي و بتقوليلي انك محتاجانى مقدرتش منزلش خليت بابي حجزلى  الطياره و نزلت عشان اشوفك
ساندى : انا فعلا محتجاكي اوى يا هند ، فكره انك كنتي جمبي و معايا ٢٤ ساعه و فجأه تسافرى و منتكلمش غير موبايل بس صعبه اوى عليا يا هند ، انتي مش مجرد صحبه عمرى انتي اختي
هند : و اديني جيتلك اهو ، اختك جمبك يا حبيبه اختك
هااا فهميني مالك بقا
ساندى : هفهمك كل حاجه بصي ..
بيقاطعهم دخول سليم
سليم : ساندى انا جيت
ساندى : انا هنا يا سليم تعالي شوف مين هنا
سليم دخل و هو مبتسم و فاكرها لينا بس فجأه الابتسامه دى اختفت و اتحولت لبصه مريبه : هند !!
هند *بحرج * : ازيك يا سليم
سليم : الحمدلله ، انا في اوضتي يا ساندى
و راح داخل اوضته و قافل الباب
ساندى *بتدارى حرجها * : معلش يا هند هو بيجي تعبان من الشغل
هند *بحزن* : لا يا ساندى انتي عارفه ان معاملته معايا بقت كدا من اخر موضوع حصل وانا عارفه اني غلطانه بس كنت مفكره ان بعد سفر سنتين انه نسي خلاص
ساندى : لا عادى يا بنتي مفيش حوار اصلا متكبريش الموضوع ، و بعدين انتي عارفه طريقه سليم اصلا مش عشان الموضوع ده يعني
هند : اتمني يكون كلامك صح
سليم دخل اوضته و قعد علي سريره و هو مضايق لقي موبيله بيرن *لينا* سليم ابتسم وراح رادد
سليم : الو
لينا : سليم ازيك
سليم : الحمدلله يا لينا
لينا : معلش اني بكلمك دلوقت و ازعجتك بس كنت عايزه اسألك علي حاجه
سليم : لا ازعاج ولا حاجه اتفضلي
لينا : كنت عايزه اسألك علي ساندى
سليم : مالها ساندى !!
لينا : كلمتها كتير من امبارح و مش بترد عليا هي زعلانه مني ؟
سليم : لا هتزعل منك ليه كل الموضوع ان صحبتها رجعت من السفر و اعده معاها
لينا : صحبتها مين
سليم : هند
لينا : ايه ده هند رجعت !!!
سليم : اه يا لينا
لينا : ماشي يا سليم شكرا
سليم : العفو وانا اما تمشي هند هخليها تكلمك
لينا : ياريت يا سليم
$$$$$$$$$$$$$$$$$$$$$$$$$$$$$$