انت من سيحميني

حزن يعم المكان

بعد ما ساندى اتدفنت و سليم اخد العزا بتاعها طلع بيته و هو في حاله غير طبيعيه
*في بيت لينا *
حياه : ايه ده يا لينا انتي رايحه فين
لينا : رايحه لسليم يا ماما
حياه : سليم في حاله وحشه اوى يا لينا سبيه لوحده احسن
لينا : مينفش اسيبه لوحده انا السبب في كل اللي حصل اصلا
حياه : مهو عشان انتي السبب بلاش تروحيله هو مش عايز يشوفك دلوقتي خالص اصلا
لينا : لازم يشوفني و يسمعني يا ماما انا مليش ذنب في اللي حصل ده
حياه : بقولك ايه يا لينا بعيد عن اللي حصل ده انا هاخدك و نسافر اصلا
لينا : ده ليه !
حياه : ليه ! عشان عمك اتجن خالص خلاص ، ده لولا ان ساندى كانت واقفه ادامك و خدت هي كل الرصاص كان زمانك انتي مكانها دلوقت
لينا : ياريتني كنت مكانها و مكنش راحت واحده ملهاش اي ذنب
عمي مقتلش واحده يا ماما ده قتلت اتنين واحده اتدفنت و التاني بيموت بالبطئ عشانها
حياه : ربنا يصبره يارب و يخفف عنه
لينا : انا هنزل اشوفه و اجي
حياه : يا لينا بلاش
لينا : معلش يا ماما سبيني براحتي
حياه : ماشي يا لينا
لينا نزلت و راحت لسليم طلعت و جايه تخبط لقت الباب مفتوح فتحت الباب و دخلت لقت سليم اعد علي الارض و ماسك صوره ساندى و الدموع علي خده اعدت تسمعه و هو بيكلم الصوره
سليم : وحشتيني يا ساندى اوى ، انا مش عارف اقعد ساعتين في البيت من غيرك البيت جحيم من غيرك يا حبيبتي، طب مين دلوقتي هيخفف عني وانا زعلان و مضايق ! ، و مين لما افرح هيفرحلى ! ، مين هيبقي ابويا و امي و اختي و حبيبتي ! ، حتي انتي سبتيني يا ساندى و خلفتي وعدك ليا مش انتي كنتي قايلالي انك عمرك ما هتسبيني مهما حصل طب سبتيني ليه و خلتيني بقيت وحيد ، يا ساندى ارجعيلي والنبي
لينا و الدموع علي خدها راحت وقفت وراه و طبطبت عليه سليم اتدير بخضه و فجأه كل ملامح الحزن اللي علي وشه اختفت و ظهر ملامح غضب بس
سليم : انتي هنا من امتي و دخلتي هنا ازاي !
لينا : لسه جايه ، الباب كان مفتوح
سليم : و جايه ليه ! انتي تقتلي القتيل و تمشي في جنازته !!!
لينا *بعياط * : سليم انا مقدره موقفك اللي انت فيه دلوقت بس انت عارف كويس اني مليش ذنب انا والله العظيم لو كنت اعرف ان هيحصل كدا مكنتش وقفت معاها اصلا و لو انت شايفني اني السبب سامحني انا اسفه
سليم : اسامحك و انتي اسفه ! هو انتي خبطي في كتفي !! انتي موتي اختي انتي مش مستوعبه !!
لينا : انا مموتهاااااش
سليم : لا موتيها هو مش عمك اللي قتلها
لينا : وانا ذنبي ايه
سليم : ذنبك انه كان عايز يقتلك انتي مش يقتل اختى اللي ملهاش ذنب ، علي العموم و رحمه اختي ما هرحمه و هجيب حقها
لينا : هاته يا سليم هو يستاهل اي حاجه تجراله ، هاته و طفي ناري قبل نارك علي ساندى
سليم *بنظره شر * : هجيبه و ديني لهجيبه
*في مكتب سليم *
سليم : محمد
محمد" العامل ": اؤمر يا سليم باشا
سليم : ناديلي النقيب سيف بسرعه 
محمد : تحت امرك يا سليم باشا
بعد مرور عشر دقايق بيخبط الباب و بيدخل سيف
سيف : خير يا سليم
سليم : سيف انا عايز اعرف كل حاجه عن حسين الملاح من يوم ما اتولد لحد دلوقت و عايز مراقبه عليه ٢٤ ساعه
سيف : اعتبره حصل
سليم : امتي يا سيف
سيف : يومين بالكتير كل المعلومات هتكون عندك
سليم : بكرا يا سيف
سيف : حاضر يا سليم هحاول
سليم رجع بضهره علي الكرسي و راح قايل لنفسه : هجيبك يا حسين يا ملاااح
$$$$$$$$$$$$$$$$$$$$$$$$$$$$$$