انت من سيحميني

حديث بين الاخوات

بعد لينا ما طلعت بيتها دخلت اوضتها و اعده تفتكر كلام سليم و زعلانه اوى عشانه لقيت موبايلها بيرن " بسنت "
لينا : هاي بسنت ازيك
بسنت : الحمدلله يا روحي انتي ايه اخبارك
لينا : الحمدلله
بسنت * بطريقه طفوليه * : ها مش هتقوليلي قاعدين كل ده في الجنينه بتعملو ايه فضولى هيموتني
لينا *بتضحك* : مش عارفه هتبطلي حشريه امتي بقا !
عادى كنا قاعدين في الجنينه شويه انا و سليم
بسنت : قاعدين ليه يعني كان في ايه و بتتكلمو في ايه ، ده غير ان الدنيا ضاقت عليكي اوى يعني عشان تروحي تقعدي معاه يعنى هو انا قصرت معاكي في حاجه يا بنتي
لينا : بسنت ممكن تبطلي تتكلمى عليه كدا 
بسنت :خلاص متزعليش نفسك مس هتكلم كدا تانى
لينا : ياريت يعنى
بسنت :مالك طيب حاسه ان فيكي حاجه
لينا : مفيش زعلانه مع ساندى شويه بس 
بسنت : ليه بقا؟؟؟
لينا : بقولك ايه يا بسنت كفايه تحقيق لحد كدا سبينى انام بقا ، تصبحي علي خير
بسنت : لا استني ....
قفلت لينا الموبايل و نامت
*في بيت سليم *
سليم قاعد في اوضه مكتبه علي كرسيه و ساند راسه و بيفكر في موضوع لينا و ساندى
و راح قايم واقف و ماسك الموبايل و متصل بحد
سليم : كفايه لحد كدا
_____ : _____________
سليم : لا بس انا خلاص عرفت كل حاجه عن لينا و ساندى ده غير ان الموضوع اتكشف و مبقتش خايف علي ساندى هي بتحكيلي لو حصل حاجه فخلاص مبقتش محتاجك
_____ : ______________
سليم : شكرا لخدمتك و كدا يبقي الديل بتاعنا تم
_____ : ______________
سليم قفل موبيله و فضل واقف يفكر شويه و قطع تفكيره دخول ساندى
ساندى : انت لسه منمتش
سليم : لا
ساندى : سليم خلاص بقا بطل رخامه مفيش حاجه حصلت للطريقه اللي بتكلمني بيها دى
سليم : انا قولتلك مفيش حاجه
ساندى : لا فيه انا عارفه اني غلط لما قولت كدا بس انا عايزاك تنسي موضوعك انت و هند و تعيش حياتك بقا
سليم : و مين قالك ان حياتي واقفه عليها ؟
ساندى : من غير ما تقول انا عرفاك كويس يا سليم
سليم : لا يا ساندى تبقي غلطانه و عمرك مع عرفتيني قبل كدا ، موضوع هند نسيته من اول لما اتخطبت و هي مبقتش في حياتي اصلا ولا بفكر فيها ، كل الموضوع ان مبحبش علاقتكو ببعض
ساندى : ده ليه بقا ؟
سليم : عشان دى بنت مش كويسه دى تعلمك الغدر و قله الثقه عشان هي كدا
ساندى : وانت عايزني ابعد عنها عشان كدا ، انت عارف ان مليش صاحبه غيرها
سليم : لا ليكي لينا
ساندى : لينا حياتها كلها توتر و خوف واحده عايشه مش ضامنه انها متتقتلش كمان شويه عشان اهلها قتالين قتله و عصابه ، انا ذنبي ايه اتحط معاها في موضوعها انا و اخويا اللي مليش غيره
سليم : ياااااه يا لينا مش قولتلك هتعلمك الغدر و قله الثقه
ساندى * بحرج* : لا هي معلمتنيش حاجه انت ظالمها ، هند دى في عز ما انا مش طايقه لينا هي اللي بتعد تهديني من ناحيتها و تقولى صحبتك متخسريهاش ، تبقي كدا وحشه !!!
سليم : بقولك ايه يا ساندى اللي عايزه تعمليه اعمليه ، انا رايح انام
ساندى : سليم استني انا بكلمك
سليم سابها تتكلم و راح اوضته ينام
$$$$$$$$$$$$$$$$$$$$$$$$$$$$$$