أماني ♧

بارت ١

مرحبا ... مسائكم ورد
القصة اليوم تتحدث عن بنية عراقية عاشت حياة ترافة ودلال بس هذا الشي مدام بسبب القدر فتعالو نسمع قصتها ..
..
..اماني ..

البارت الاول ..

بقلم Aseel..

..
مرحبا اسمي أماني حابة اسولفلكم عن قصتي  .. بس قبل لا ابدي حابة اعرفكم على حياة اهلي قبل وبعد ولادتي .
.....
_ام هشام (بيبيتي):يمة سعد اليوم حابة احجي وياك بموضوع '

_سعد(بابا):خير حجية خما اكو شي .

_ام هشام:لا خير خير گليبي بس تعال ادنة لحد يسمع اريد اخذ رأيك يلة احجي لاخوتك .

_سعد:هايمة جيت وهاي كعدة .كعدت يمها بالكاع ودنيت راسي يمها .

_ ام هشام : يمة سعودي صار عمرك ٢٨ وانت بعدك ممعرس واني اريد اطمن عليك قبل لا اسلمها

_سعد :قاطعتها اسم الله عليج حجية عمري قبل عمرج لتكولين هيج شعندي غيرج.

_ام هشام:ولك لا تنط بالحجي خل اكمل وبعدين كلمن ويومة بس اني جنت ناوية على وحدة ازوجها الك وانت بكيفك بعد .. بس متلكة مثلها .

_سعد:يمة الصراحة اني مبالي الزواج اريد اختار وحدة بقناعتي اريد اعرف اطباعها قبل لا اتزوجها فماجل هذا الموضوع مو وكتة .

_ ام هشام:ولك يا مو وكتة انت تدري حطب ال٣٠ لو لا .وبعدين اني اعرف شلون اقنعك . هششاااام ... يمة هششااام .

_هشام(عمي الجبير):ها يمة خيرج حجية فززتيني .شصاير.

_ام هشام:تعال فهم اخوك علة الموضوع الحجيناة امس. يكول مو وكتة .حيخبلني هلولد .

_هشام :ولك انت مخبل عاقل شنو مو وكتة انت تدري شتحجي ولك عمرك جبير حيصير ٣٠ متريد ولدك يكبرون وياك متكلي منو يداريك .

_سعد:اخوية حجيكم على العين والراس بس اني صدكوني ماكو وحدة ابالي حتة اتصير مرتي.

_ام هشام : لا عيني من هلناحية اطمن كتلك ضامتلك مرة معدلة وام بيت وتصونك.

_سعد :يعني مقررين وجايين تاخذون رأيي.

_هشام:شوف الظاهر انت متعرف مصلحتك اني كلت تتزوج يعني تتزوج وباجر ندز نسوان يخطبوها وهية مو غريبة كرابتنا هيفاء اخت زوجتي .. وانت تعرفها وشايفها .

_سعد : ترة اني مو جاهل تمشوني بكيفكم  مااتزوج يعني مااتزوج.

_هشام :شوف لك اني محترمك لخاطر امي الكاعدة ولا كان تصرفي وياك غير شي ولا تنسة اني اخوك الجبير وادرى بمصلحتك وكتلك باجر يعني باجر.