أماني ♧

بارت ١٤

مسائكم خير احبتي ..🤗🤗🌷

اعتذر عن التاخير ... عندي ظرووف وماكدرت اكتب هليومين ... انشالله اكدر اعوضكم ..

........اماني ♧.....
بقلم ..💐💐Aseel💐💐
البارت١٤
..........
_ اماني : بعد ماقدمت كلية طب عام .. واخذت مقعد ... عرفت نفسي حامل وحللت واتاكدت .. كلت اذا ادرس واني حامل راح اتاذة
.. فاجلت السنة لحين اولد . حتة احطة يم المربية ..

هيثم ماجادلني بشي ..  احترم رأيي وشاف هوة الصح  .. لان يريدني اطلع امتياز ..

فتركت هلسنة وبديت بمعاناة اي حامل من تنساه ومن تعب وثكل .. بس هيثم ممقصر وياي ..

باجي ام حسين كل فترة تجي تسأل ... بس متطول لان كبرت وصارت مرة تعبانة مو ذاك حيلها ...

وعمتي سعاد .. هم جانت تجيني بين فترة وفترة ..
ووياها بناتها اسماء ومها  ... اسماء متزوجة وعدها بنية ... ومها تدرس سنة اولى قانون ...

اما عمتي هناء فما جانت تجيني لان زوجها نحس ويصير اخو عمة منى وامال ... فيكرهني على كره خواتة ...        Aseel

بس دائما توصل الي سلام ويا عمتي سعاد....
ومرات تدزلي لعبة لسعودي خطية ..

اما عمامي فانحكمو مؤبد ... وشكد حاولو يتوسطون بس هيثم واسطتة اقوة ... صح مجنت اعرف شيشتغل لحد هسة ... بس بعدين عرفت ...

طلع يشتغل بالاستخبارات ومركزة كلش جبير لذلك ..
جانت الواسطة مالتة قوية ... حتة اني زوجتة مجنت اعرف بي بهذا المنصب ... الة لحيت عليه يلة جاوبني بس حلفني ماكول لاحد لان نتعرض للخطر ..

واني كل ظني يشتغل مثل ابوية عندة شركة لو مصنع 😓

المهم عدت مرحلة الحمل بخير وسلامة وراحة بال ..

وولدت الحمد لله وجبت ولد ثاني لهيثم ... خطية طار من الفرحة لان صار عندة ولد يشيلون اسمة ..

سميناه .. مناف ... هيثم سماه على اسم ابوه مناف ..

مجان عاجبني هلاسم ... بس كلت ماكسر خاطرة ..
جانت فرحتنة متنوصف ... عمتي سعاد وباجي ماقصرن وياي ابد ...

بدت السنة الدراسية ورجعت اشد حيلي .. تركت كلشي يلهيني ... اتفرغت لدراستي ... هيثم مجان يقبل اسوي شي غير الدراسة ..  وجان هواي يساعدني ...

جان يبحثلي على النت لان جنت بعدني ما متعلمة علية .. وجان يطلعلي دراسات ومصادر وابحاث ..

كلش استفاديت منهن .... ربي يخلي الي ..

.........&.......

تخرجت من الكلية بعد سنين دراسة وتعب ... وطلعت امتياز ...

فطلع تعييني مركزي .. وشهادة تقدير ...

طبعا الفضل لله ولهيثم ... لولا ماصير بهلمكان ...