أماني ♧

بارت ١٥

مسائكم عسل🍯حبايبي ..

شلونكم ...؟؟.🍓

.... اماني ♧...
بقلم .. Aseel🤗
البارت ١٥
............
_اماني : ظليت حايرة واتصفن النهار كلة ...
ممعقولة حسن يظهر بعد هذا كلة .. 

وين جان وليش هسة طلع بوجهي ... وبنفس مدرسة ابني .... يارب ريحني تعبت من التفكير ...

صار يوم السبت وجان دوام عندي بالمستشفى..
خلصتها بين عمليات ومراجعين ..

بعدين جتي مرة جبيرة متخربطة وبنتها وياها ..
بس تبجي ... ماشفت المرة زين ...

عفتهم ومشيت لان هذا اختصاص الممرضات ..
احنة الدكاترة الة شغلة ضرورية يلة يصيحولنة ...

فرحت على غير مريض جانت حالتة طارئة ...
شفت المريض.. ودطلع جان تجيني البنية بوجهي تصيح..

_ لحكيني ... ابوس ايدج لحكيني ...

فرحت اركض وياها شفت المرة مزركة وحالتها صعبة ...
سويت اللازم وقست الضغط طلع صاعد حيل ...
ضربتها ابرة بالوريد حتة ينزل .. وصحت للممرضة تدير بالها عليها ولتعوفها بعد ...

لان مشكلة الممرضات يلتهن بالسوالف ويعوفن المرضة ... لازم نضل فوك راسهن ...

بعدين من دروح شفت المرة زين .... شبهت عليها ..

اي والله هية ... لا ... مو هية ...ركزت ...

طلعت عمة امال ... باوعت للبنية ماعرفتها الوياها ...

كتلها انتي شسمج ...؟

نور : نور اسمي ...

_اماني : هاي امج نور ..

_نور: اي دكتورة طمنيني شلونها ...

_ اماني : صارت احسن ... بس شنو سبب التوتر ..

_ نور : صارت مشكلة بسبب اخوية وهية عصبت وتخربطت..

_اماني : زين ماكو احد وياكم رجال ..بس انتو النسوان ..

_نور : ابوية متوفي .. وعندي بس اخ واحد ودائما يتعاركون ... وتوصل لهل حالة ..

_اماني : ردت اسحب منها معلومات اكثر عن بيت عمي هشام ... فضليت ادردش وياها ...

_زين ماعدكم عمام كرايب اولاد عم ...

_نور : عمامي متوفين ... وعندي ولد عم ثنين بس
والجبير ميحاجي اهلة والثاني حاير بدراستة ...

يعني لو ينكلب البيت محد بحالنة ...

_اماني : انتو ساكنين سوة ..        Aseel

_نور : اي سوة ... بس ابن عمي الجبير عازل بغير بيت ..

_اماني : اهااا ... ديري بالج على امج ترة التوتر مو زين عليها ... ترة يجوز مرة ثانية متلحكون عليها ..

_نور : تبجي وتحجي ... شسويلها ... هية تحرك دمها .. .. اذا راحت منو الي والله اضل ملطشة ...

_اماني : لا انشالله ماكو شي اشوية واجي عليها اكتبلها دوة تستمر عليه ... معافاية انشالله  .