أماني ♧

البارت الاخير

... مسائكم ورد حبايبي ...

شلونكم ..؟

.... اماني ♧.....

البارت الاخييييرر 🤗🤗

بقلم ..Aseel..😘

..........

_ اماني : بقة تفكيري بحسن ... مادري اذا اوافق او لا ... خايفة على ولدي وخايفة منهم ...

خايفة اذا مااتزوج مراح يكون الهم ظهر ... اني وهيثم مكطوعين من شجرة ... مثل ميكولون..

وخايفة منهم .. اذا اقبل يكرهوني لان جبت رجال غريب عنهم .. وخليتة بمكان ابوهم ...

جنت مختنكة من التفكير....

لازم يكون الية ولجهالي سند .. وظهر ..  من بعد هيثم .. ضعت ..

صح جنت رافضة الزواج بالبداية ... بس هسة وعيت وصحيت ... وفكرت بعقلي ...

محد النة اني وجهالي...

لازم احاول وياهم ... مو بسهولة يتقبلون الوضع ..

....

ثاني يوم رحت للدوام عادي ... وكملت ورجعت للبيت. ...

تغديت وسبحت ... ورجعت للعيادة وفتحتها من وكت ...

بس ردت الهي روحي .. التفكير ذبحني ...

خلصت شغلاتي .. طلعت ..لكيت حسن واكفلي بالباب ... ماعرف الخلاني ابتسملة ...

ابتسمت ورحت الة ...

_ حسن : هسة رجعت الروح الية ... اروح فدوة لهلحلك ...

_ اماني : حسن رجاءا ... بلا هلحجي ...

_ حسن : صدكيني مو بيدي ... بس جنت مشتاق لابتسامتج ....

_ اماني : حسن ليش منتظرني ... شرايد ..

_ حسن : ممكن نكعد بمكان اريد احجي وياج ...

_ اماني : ماريد اتاخر على البيت ...

_ حسن : منطول والله اكثر شي ساعة ... مراح تفرق هلساعة ...
انتظرتج سنين ... متنتظرين تسمعيني ساعة ...

_ اماني : ماشي ... يلة وين المكان حتة اجي بسيارتي وراك ...

كلي على المكان ... ورحنا كلمن بسيارتة ... طبعن هوة طلب نروح بسيارة وحدة ... بس اني مقبلت ..

مجنت حابة احد يشوفني وياه ... ويصير حجي علية ...

رحنا كعدنة بكوفي هادئ عائلي ..الجو حلو بي ...
ترتاح نفسيتك بهيج اجواء وتعرف شلون تفكر ...

طلبلي عصير بطيخ لان احبة ... وهوة هم طلب الة واحد  ..

جان يرجع يفتح الموضوع وياي ...

_ حسن : اماني ... ليوين تظلين مكبرة راسج ... شظل من عمرنة .. يكفي الراح ... يهون عليج ..

ظليت طول عمري عايش على امل تصيرين الي ..
وانتي دتحاولين تكطعين الامل ...