أماني ♧

بارت ٩

.. مسائكم ورد حبايبي..

اسفة على التاخير 😶✋ 
........
....أماني ♧.....

بقلم :Aseel🌷

.........البارت ٩

_اماني :
كمت ابلع بالحبوب كومة كومة بس اريد اخلص بسرعة ...

تعبت من هلظلم ... تعبت من انتقام اني مالي دخل بي ...

ماعرف شنو سبب كرههم الي ... اني شنو ذنبي ..

ربي يتيمة وكسروني ... سامحني تعبت ..

شربت الحبوب... وضليت ابجي وادعي ربي يسامحني ...

حسيت بعد دقايق لوية بمعدتي ... وحسيت روحي اريد استفرغ ... حرگة قوية  ... والم اقوة ..

نسيت روحي اني الي ردت اموت ... بس احساس الالم ذبحني .. رحت امشي كوة ..

رجلية اخذتني لغرفة حسن ... كوة كمت اصعد الدرج من الم معدتي ...

حسيت عيوني كمت ماشوف عدل ودوخة كلش قوية ..

كمت اغمض وافتح بعيوني ...          Aseel

بالموت وصلت لغرفة حسن .. كمت اضرب بالباب ..
وبعدها فقدت ... ماحسيت الا على صوت ..

رياجيل ومرة يسولفون فوك راسي ... كمت افتح عيوني واسد بيها ... جانت الدنيا مغوشة حيل ..

وحدة كالت يبنية تسمعيني ... انتي شسمج ؟

ماشوف شكلها بس اسمع اصواتهم ...

كتلها اماني .. اماني..

كامت تصيح مدري عليمن كالت صحت صحت ..

وراها شفت وحدة فوك راسي لابسة ابيض .. مدري اشسوت بيدي ورجعت وكفت فوك راسي ...

اشوية واستقر نظري ... شفت روحي بالمستشفى وحدي..

كتلها اني ليش هنا ... ليش ما متت ... ليش خليتوني اعيش ..

_ الممرضة : اهدي اشوية .. هسة يجون اهلج ..

_اماني : فدوة ماريدهم هذولة مو اهلي .. ليش مخليتوني اروح لاهلي ...

_الممرضة : اهدي عيني هسة اشوية ويجون ...
راحو بليل البارحة .. وهسة على جية خابرناهم كنالهم صحت ...

بس اكو واحد مبين كلش خايف عليج حتة سوة مشكلة ويا رجال ويا وطردو الامن ..

_اماني : حسن .؟

_الممرضة : ماعرف والله بس يجون اهلج وتعرفين كلشي .

_اماني : راحت الممرضة وضلت دموعي تجري .. بس بدون شعور ...

هلمرة حيكون عقابي عسير ... اكيد عرفو انتحرت حتة مااتزوج ...

بس ضلت لجمة بكلبي شلون اعوف حسن .

ماجنت ادري بحبة ولا جنت ادري احبة... بس من يوم كلي احبج تعلقت بي ... حسيت روحي اعشقة من زمان ..