أماني ♧

بارت ١٠

مسائكم ورد 🌷🌷 حبايبي ...

كل عام وانتم بخير ....

............ أماني ♧.......
بقلم ... Aseel😗
البارت١٠
....................

_اماني : طلعت المرة من عندي .. واني ضليت اباوع للغرفة ..

اثاثها كان يجنن اثاث مشايفتة بحياتي ... ماشفت باقي البيت لان من طبيت دنكت لحد موصلت للغرفة..

ظليت افكر اذا هاي غرفتي هيج اذا باقي البيت شلون ..

ويا ما دباوع وافكر سمعت صوت وراي ...
صوت خشن بس حلو ... مبين من الصوت هيبة ..

_حجي هيثم : منورة بيتج ...

_اماني : انداريت ..
شفتة رجال بس مو من الي اجو ... مجان موجود وياهم .. رجال عمرة يطلع فوك ال٤٥ .. بس لابس قاط ..

وجسمة ضخم .. ورغم كبر عمرة بس مبين رياضي ..
يعني شكل وجسم حلو مو مثل متخيلتة ..  صح ميجي لجمال حسن .وحنيتة ... بس مجنت متوقعة هيج ..

جنت مفكرة حيكون مثل الي شفتهم او واحد منهم ..
باوعتلةة... شكرا حجي.

_ححي هيثم : شنو حجي ... اجة تقرب مني...
اني زوجج صيحيلي هيثم بس كدام احد كولي حجي ..

راح احجي وياج كلمتين قبل لا نبدي كلشي ..
شوفي يابنت الناس .. اني اخذتج وشاريج ...
       
فماريد اسرارنا تطلع برة الغرفة ... اني عصبي ومرات اسوي اشياء تضوج .. يعني اكسر لو اغلط ...

فتحمليني .. واذا جنتي شاطرة هديني ...

اني ماتزوجت طول عمري ... لان جنت احب بنية من جنت شاب وماصارت قسمتي وياها ...

ومن يومها تركت النسوان.... لولا ملحت اختي الي شفتيها مجان تزوجت ... بس الحمد لله ..

فاني اليوم حتركج على راحتج ارتاحي وتعشي اكيد جوعانة .  .. والليل والعمر طويل كدامنة ..  ممستعجل ..

ادري بيج خايفة وصغيرة وتشوفيني بكد ابوج ...
بس انشالله اكدر اريحج ...

حطلع اخليهم يحضرولنة العشة .. بدلي وارتاحي ..

_اماني : طلع وعافني مصدومة ... يعني ماجنت اتوقعة هيج اسلوبة جنت متوقعة همجي وعصبي .

كمت طلعت كلابية من الي حاطيهن جانن وحدة احلة من الاخرى والمصيبة قياسي ..  ماعرف شلون عرفو ...

فتحت شعري ونزعت الفستان جان حاصرني ..
ولبستها طلعت تجنن علية ... كلابية بيجي ومطرزة لولي ذهبي وكرستال .. بس كلش فخمة ...

ابدل وبالي يم حسن ... اويلي حسن ... وينك ... شدسوي ... افكر وابدل .. اندك الباب ...

وطبت المرة .. جايبة عشة .. اشكال واللوان ..

_المرة : تعشي بنيتي ..

_اماني :المرة يطلع عمرها بال٥٠ او اكثر بس بحيلها .. وجها بشوش وبس تضحك ومبتسمة ...