أماني ♧

بارت ٤

مسائكم ورد حبايبي ..
...اماني ..
بقلم Aseel.
بارت ٤

Aseel 🌷
........
.....
_اماني : فديوم كاعدين العصريات وضايجين لان بابا مااخذنة لمكان هلعطلة .. جنت اشوية وابجي .
ورة اشوية طب بابا من الشغل سلم وكعد ...

_بابا سعد : السلام عليكم ...
.. شلونهم حبايبي .؟.

_ ماما : الله يساعدك ابو امونة ..

_اماني وعبودي : هلو بابا (ضايجين).

_بابا : شبيهم حبايبي اشو ضايجين .. منو وياكم .

_ماما: زعلانين منك لان ماطلعتهم هاي العطلة .

_بابا: امممم عرفت شبيهم معناها انتو زعلانين...
واني عبالي اخذكم للجبال ...

_اماني صدك بابا ؟

_بابا :اي صدك بس انتو زعلانين علية فبطلت . 😏

_عبودي :لا بابا اني ممزاعلك اني احبك .

_اماني : ايا كذاب 😐
. لعد منو كلي اذا يجي بابا منحجي ويا .

_عبودي : جنت اشاقة ..

_بابا : هسة عوفو العرايك كومو حضرو غراضكم باجر نروح .

_اماني .: من الفرحة كمت اكمز واركص بنصهم 💃💃💃💃💃 .. وهمة يضحكون علية .
ركضت حضرت كومة هدوم ..

حتة من صار العشة وامي صاحتني تعشيت شلون مجان حتة الحك انام من وكت ويجي باجر بسرعة .😅

ثاني يوم صبحنا كعدت اول وحدة ب٥ الفجر لان شابعة نوم ..
كعدت سبحت ومشطت وبدلت لبست بنطلون كابوي وتيشيرت احمر وشعري لفيتة حتة من تكعد ماما تظفرلي مجنت اعرف اظفر ..
وضليت انتظرهم يكعدون وجعت حيل ممتريكة ماكعدو لل٨ ضلو يضحكون علية من عرفو كاعدة من الفجر ..
سوت ماما ريوك وظفرتلي وراحو بدلو اني بديت اتريك قبلهم لان ميتة جوع .. عما اجوي اني شبعت وكمت لبست الحذاء ونزلت جنطتي وهمة بس ..
يضحكون علية ..
كملو وماصدكت حد ما كملو ...
جنت بس اريد اوصل واشوف الجبال ..
ظليت الطريق كلة اتخيل شسوي وشلون اصعد للجبل بس الطريق جان كلش بعيد كلت خل انام حتة نوصل بسرعة ....
ظليت اتخيل وافكر لحد مانمت ..
حسيت السيارة وكفت يم ناس عسكريين .. وبعدين عرفت وصلنة اربيل ...
روحي راحت من الفرح ..
مجنت مصدكة وصلت ..
جنت بس اريد انزل واركض بس مادري وين ..

بعدين وصلنة لمكان بي بيت صغير غرفتين وصالة ومطبخ وحمام بس كلش حلو ...
اصلا حتة لو محلو هم بنظري جان يخبل لان اهم شي اني يم الجبال ..

نزلنة جنطنة وجانت الشقة مفروشة بس ماخذين هدومنة وغراضنة البسيطة مثل شكم ماعون وكلاص وخواشيك ومشوطة وهذني السوالف .. بس لكينة كلشي موجود ...

رتبت هدومي شلون مجان بس اريد اكمل واطلع للجبال جنت ميتة عليهم والطريق جنت نايمة وماشفتهن .