أماني ♧

بارت ٧

مسائكم ورد حبايبي ..

اسفة على التأخير..

.......أماني ♧.....
بقلم ..Aseel.🌷
البارت ٧
......
_اماني :
من كعدت الصبح جان ماكو احد بلبيت بس اني وبيبي ..

عفت بيبي على نومتها ..
وكلت اسوي ريوك ..عما تكعد .

كملت الريوك وجيت عليها شفتها بعدها نايمة ...

كلت خليها خاف تعبانة ..

رحت تريكت وبديت اكمل شغلي .. حتة الحك اسوي غدة قبل لا يجون واحصلي رزالة ..

كمت اشتغل واروح واجي على بيبي اشوفها كعدت لو لا..

اخر شي ضل بالي وخفت عليها اخاف مريضة لو مصخنة ..

رحت اكعدها ..
بس ماتكعد .. ضليت اهز بيها واصيح عليها ..

بيبي ... بيبي ..

الله عليج بيبي كعدي ...

بيبي لتسويها وتعوفيني مثل اهلي ...

بيبي اخاف ابقة وحدي ... بيبي

كمت احجي واعيط ودموعي تجري ...

ماعرف شسوي امشي واضرب بخدي ومرة بصدري ..

واكول لا جذب ... ماابقة وحدي اني ...

بيبي متعوفني ...

فتحت باب البرة .. وبديت اركض بس اول مركضت ..

جان الطخ بحسن ..  شفتة وحدة جاي ...

حضنتة بنص الشارع وكمت اصيح ...

هوة يحاول يهديني ويحاول يفهم ...

بس ماانطي مجال يحجي ...

جنت بحالة هستريا  ... خوف وحزن ..

حسيت بالوحدة .. هلمرة اكثر من ماعافوني اهلي ..

اخر امل الي راح ...

جنت اصيح والطم بحضنة وكاعدين بنص الشارع ..

اخر شي ضربني راشدي .. وعيت على روحي ..

صفنت بيه ... وباوعت حوالية  . 

اني بنص الشارع ... والناس ملتمة علية ...

يريدون يشوفون شكو  وشصاير وياي ...

_حسن : اهدي شبيج فهميني شكو ... ويهز بية حيل ..

_اماني : حسن .... بيبي ..... راحت ....عافتني .

_حسن : كومي ولج بسرعة .

_اماني : كام يسحل بية ويجر يريد يوصل للبيت بسرعة ... شافها لبيبي وخابر على عمو هشام وعمو همام ...

اجوي ونقلوها للمستشفى  ...

طلعت وياهم بسيارة بدون مينتبهون ....

... طلع صاير عدها سكتة قلبية ...

ووقت الوفاة الفجر ...

يعني اني جنت نايمة وهية ميتة ...