أماني ♧

بارت ٣

مسائكم جميل مثل قلوبكم ...

...
أماني ..
البارت ٣.

بقلم Aseel
Aseel*
....
....
_سعد: بعد ما ماتت عمتي ام موج تدهورت حالة موج بسبب القهر وجانت متعلقة بيها بس الحمد لله الجهال خلوها تلتهي ..

لكن بعد فترة طلبت طلب غريب مني والصراحة مجان اصلا على بالي ...

_موج:سعد اريد اطلب طلب بس ماريد تخجلني .

_سعد : كولي امريني شرايدة .

_موج: اريد نروح كلنة لبيت اهلك ونراضيهم ..

_سعد :شنو انتي تحجين موج من كل عقلج يعني اهلي باعوني علمود مرة ارجع اروحلهم . سدي السالفة .

_موج : لخاطري اسمع وبعدين قرر..

_سعد :كولي .

_موج: شوف اني فكرت كل هلفترة اني ماعندي عمام وتاذيت من هلسالفة لان جانو مقاطعينة كل كرايبنة ومجان يجون يمنا غير اهل امي وانت تعرف الخوال مو مثل العمام والاهل .. واني بعد ماامي توفت محد من خوالي دك بابي وكلي شمحتاجة ..

يعني بعد عمر طويل اذا صار بيك لو بية شي منو لجهالك هم يضلون ملطشة للي يسوة والي ميسوة

لازم يعرفون اصلهم وفصلهم حتة يصير الهم سند ترة انت تشوفني سعيدة وياك بس بكلبي حصرة لان محد من كرايبي يسأل علية ولا فد يوم مرولنة ..
..
لاتزيد الهم الي علية شايلة هم جهالي منو الهم بعدنة .
لخاطري سعد وافق بس نراضيهم ونعرفهم على عمامهم واهلهم .

_سعد:الصراحة كلامج مقنع بس منو يكول همة يرضون يشوفونة .

_موج :نحاول واذا مارضو نحاول مرة ثانية لحد ميقبلون.

_سعد ماشي لعد نتوكل على الله باجر انشالله اكمل شغلي من وكت وامر اخذكم حضري روحج انتي والجهال.

_موج :انشالله عيوني انتة .

_سعد : اجة ثاني يوم وكملت شغلي وصار وكت العصر .. ومريت للبيت سبحت وبدلت بس جنت متوتر عبالك منتظرني شي وخايف منة والصراحة مجنت خايف غير بس من اخوية هشام شراح يسوي اذا يشوفني بعد كل هلسنين...

كملت موج والجهال وطلعنة مشينة الطريق كلة موج والجهال فرحانين الة اني جانت اكو غصة بكلبي بعدني مناسي شسوة وياي اخوية وماعرف بعد شراح يسوي ...

جانت موج كل اشوية تحاول تضحكني لو تفتح مواضيع بس مجنت ادري شتحجي مجان بالي يمها من شافتني مااجاوبها عافتني....
الحلو بيها من تشوفني سارح بشي او مضايق تعوفني على راحتي لحد مااهدء واجي اني اسولف وياها وتحاول تخفف علية ..

وصلت بيت اهلي بس حييل متغير مو ذاك البيت الي جنت اعرفة لونة رايح من الشمس الباب البرة مكشر الصبغ الحديقة يابسة عبالك بيت مهجور اول شي عبالي شايلين بس من دكيت الباب وطلعلي ولد يطلع عمرة ١٢ سنة .كلي عمو تفضل ..