أماني ♧

بارت ١٢

مسائكم ورد حبايبي ...

.... أماني♧.....
بقلم ..Aseel...
البارت١٢
.........
_ اماني : من رجعنا من السوك رحنا لمطعم تعشينا ورجعنا ... نزلت من السيارة .. وهيثم كلي ..

_ هيثم : اماني عيوني طبي جوة هسة جاي وراج بس اتصل واجي ..

_اماني : ماشي ..

طبيت للبيت وبديت ارتب بغراض المدرسة واشم واحضن بيهن .. افيييش مشتاقة للمدرسة ومتشوقة للرابع ... يمااااي شوكت تجي ..

يجوز محد يصدك ... من جنت اقرة للامتحان او تحضير ... جنت انسة عالمي الواقعي وادخل عالم جديد .. عالم احبة ...

من عشقي للدراسة هيج جنت احس ...

رتبتهن وكملت طبيت سبحت لان حريت من السوك والترتيب ... سبحت وبدلت .. وكعدت امشط بشعري واقيس بي اشوفة طول لو لا ... الحمد لله طولان ١سم .. 🤓🤓

ويا مادمشط طب هيثم ... شافني ابتسم ...
الحلو بي كل ميشوفني يبتسم .. حتة لو جان عصبي ..

راح كعد على الجرباية كلي...

_هيثم : اذا كملتي تعالي اريد احجي وياج ...

_اماني : كملت عفت شعري منثور ... ورحت يمة..
خير .. صاير شي ... 

_هيثم : والله ماعرف شكلج ... عمامج من يا طينة ...

مدري شلون هذولة اخوان سعد الوردة ... ابوج جان يختلف عنهم اختلاف جذري ...

_ اماني : هيثم خوفتني شصاير شبيهم عمامي ..

_ هيثم : اهدي اشوية ...استغفر الله ياربي ..

طول هلفترة جنت ابحث على املاكج .. طلعو عمامج بايعيهن وانتي متدرين  لان جنتي تحت السن القانوني وباعتبارهم اوصياء عليج...

متصرفين بكيفهم ... المشكلة ماباقيلج شي ...
ومن عرفت رحت واجهتهم ... وهددت اقدم شكوة عليهم ..

بس عينهم متنكسر ... وطلبو فلوس ويرجعون الاملاك..

والمبلغ ضعفين سعرهن ... وعيونج متغلة عليج فلوس بس عمامج ميستاهلون ...

وقدمت شكوة عليهم .. وفتحت محضر تحقيق .. وادخلت الشرطة ... وحاليا عليهم القاء قبض ..

بس مامتواجدين حتة يتنفذ الحكم ...  Aseel

_ اماني : يعني شنو  ... مافهمت الي تريد توصلة شنو ...

_هيثم : اني خايف عليج منهم .. لان هذولة ميخافون الله ... ومحد يدري وين متواجدين ..

لذلك راح اخصصلج حماية .. بس حتكون بشكل سري وراح اعرفج عليهم حتة تعرفيهم مو يجي وحد يكلج اني حمايتج وتروحين ويا ..

لحد مااكمل شغلي واصفي ونسافر برة العراق نعيش لحد متنحل او نستقر ..

_ اماني : ضليت مشدوهة ..  ماعرف شجاوب ..
البشر من ينحط بهيج موقف يعجز السانة عن الرد.