أماني ♧

بارت ٦

مسائكم ورد حبايبي ..

أماني ♧...
بقلم :Aseel🌷🌷

...البارت٦.

....
_أماني :
بعد ماكملت شغل وطلعت روحي حتة كملت ..

رحت سبحت وبدلت حتة انام لان جنت عركانة حيل من التعب ..

كملت سبح ومشطت شعري شلون مجان ..

رحت مددت على فراشي سهيت وبديت اغفي جان اتذكر علاكة حسن .

رحت فزيت ركض شفت ماكو احد بلبيت كلهم نايمين..

رحت على الكنتور فتحتة وطلعت العلاكة بالكوة لان جنت دافنتها جوة الهدوم ..

فتحتها وجااان الكة ..
اشكال النساتل والحلويات الي جان بابا يجيبها الي ..

من ماتو لليوم ماضكتهن ..

كعدت اكلهن مثل المشوهة مثل واحد عطشان وشاف مي كدامة ....

يممة شكد جنت مشتاقتلهن الله يخليك حسن ...
انشالله الله يعوضني بيك انت وبيبي..

ضليت ادعيلة بالتوفيق واكل لحد مانتبهت مخلصة نص العلاكة ...

كمت حطيت الكواغد بنص العلاكة الي بقن بيها النساتل وشديتها ورجعتها لمكانها لان وين اوديهن اكيد تشوفهن عمة منى لو عمة امال ..

رجعت لفراشي والحلا بعدة بحلكي ...

ضليت مبتسمة من الفرح وغفيت ..

من ماتو اهلي لليوم كلة ابجي لحد ماانام ..

بس هلمرة ابتسمت ونمت .. فرحتني نساتل ..

بيهن نسيت كل تعبي .. حتة جسمي ارتاح ..

غفيت وكعدت ثاني يوم نشيطة .. بس هلمرة كلش نشيطة ..

اتريكت وبديت اشتغل مثل كل مرة..
ابدي اكرب من اكعد لحد مانام ..

هيج عشت طفولتي يم بيت عمي جان حسن يوم يجيب ويوم لا ...
يعني من يكون عندة فلوس ...

بس ماعرفت اشجان يشتغل لو منين يجيبلي هلكد حلويات..
لحد مابدت مدارس الي المفروض اكون اول متوسط ..

عمامي الحلو بيهم رغم هذا كلة ماعدهم مانع اكمل .. بس جانو مضايقين من المصاريف ..

بدن البنات يشترولهم هدوم للمدراس ويومية يودوهن للسوك ويرجعوهن محملات بالجذب محد جابلي شي ..

جانو كل ما يروحون اضل اتخيل شيجيبون وافرح وابتسم عبالك صدك ..

ومن يجون ومجايبيلي شي اروح بالحمام اكعد ابجي ..

فمرة عمي هشام صاحني ..

كلي ..

_عمي هشام : لج اماااني تعالي هنا ..

_اماني : اي عمو جيت ...
ها عمو ردتني .

_عمي هشام : اي تعالي اكلج ..
البنات اشترن هدوم مال مدرسة . .
وبقيتي بس انتي .