أماني ♧

بارت ٨

مسائكم ورد حبايبي ...
...
...أماني ♧....

بقلم ..Aseel🌷🌷
.....................البارت٨

_اماني :
كعدت ثاني يوم وحسيت الي صار البارحة مثل الحلم ..
مجنت ادري الي سمعتة صح لو خيال..

تحركت وحسيت شخص وراية ...

مجنت اكدر اندار .. جنت نايمة صفح وظهري للباب ووجهي للحايط ..

كوة انداريت واني نايمة ... جسمي مكسر واون ...

مورم اكثر من البارحة ..

انداريت لكيت حسن نايم .. يمي .

بس جان راسة يم راسي وجسمة بالكاع يعني نايم وهوة كاعد .. بس حاط ايدة وراسة يمي ..

ماكعدتة ضليت صافنة بوجهة ...

اشوية وحس علية ... فتح عيونة بتعب ...

_حسن : كعدتي امنيتي ... شلونج هسة ..

_اماني :اي هستوني كعدت ... رغم وجهي مورم بس مبتسمة ...

من يكون حسن كبالي ابتسم لا اراديا وانسة التعب والالم كلة...

احساس حلو من اكون يمة احس روحي بغير عالم ..

_حسن : زين ليش فرحانة ... رغم هلضرب الي تعرضتيلة ... وبعدج مبتسمة ..

_اماني : .. ارتبكت وغيرت الموضوع .. كتلة .
انت شنيمك هنا ... شصار البارحة ..

_حسن : اجيت اشوفج واطمن عليج ..
شفتج مصخنة حيل وتهذين ... بقيت اسويلج كمادات ...

_اماني : يعني البارحة الي صار مو خيال لو حلم .. يعني انت صدك جنت هنا ..

_حسن : اسف امنيتي ... والله مجان قصدي اسببلج مشكلة .. ..

اني كتلج لتحطين عطر بلبيت .. ليش حطيتي ... ليش
..موتيني انتي تدرين ولج مااتحمل اذيتج ..
واني ادري بروحي عاجز كدام اهلي ...

_اماني : انت ليش هيج تهتم بية ..؟

_حسن : معقولة متدرين .. محسيتي بية كل هلسنين ..هذا اهتمامي ماخلاج تحسين بشي ..

_اماني : جنت اعتبرها شفقة لان مالي احد بدنيا ..بس انت اهتمامك زيادة ..ليش حسن ..

_حسن : معقولة بعدج تسألين ... امنيتي انتي ...
مافهمتي هلكلمة ... انتي امنيتي الي اتمناها بالدنيا ..

انتي امنيتي الوحيدة الي طلبتها من الله ولحد هسة ممأيس تتحقق امنيتي...

اماني اني احبج ... من اول مشفتج وانتي عمرج ٦ سنوات انتي ببالي ... عشت طفولتي ومراهقتي واني اتمناج ...

يجوز متصدكين اذا اكلج بيوم الي ماتو اهلج فرحت لان راح تكونين يمنا ... وكل مااشوفج تكبرين كبالي .

يكبر حبي الج يوم عن يوم ...

اتمنة تكونين الي ... اشكال شفت بالكلية ...
بس ولا وحدة جانت بعيني غيرج ...