أماني ♧

بارت٢

مسائكم ورد ....
Aseel.
.....أماني
بقلم Aseel

البارت الثاني
.....
....
طلعت من البيت واني الدنيا خانكتني... ماعرف وين اروح لا بيت ولا شغلة والفلوس العندي الحمد لله تكفي اأجر بي واعيش بس مو اكثر من ٣ اشهر ..
....
رحت لبيت موج دكيت الباب طلعتلي مرة جبيرة بالعمر كوة تمشي ....
.
_ام موج: تفضل يمة شرايد .

_سعد : السلام عليكم يمة موج موجودة .

_ام موج :اي موجودة بس انت ياهو منين تعرفها .

_سعد :اني وياها زميل بالكلية رايدها بخصوص دراسة بلا زحمة صيحيها هنا بالباب احاجيها .

_ام موج: اي يمة ادلل تعال تفضل عيب توكف كدام العالم تعال وليدي ... موووج يمة بنيتي مووووج يريدوج تعالي ..

_موج : ها يمة شكو خما صاير شي منو يريدني

_ام موج: يمة هذا واحد برة اجة يكول زميلج وطببتة جوة بالاستقبال .. اخذيلة دولكة مي عيب مبين تعبان .

_موج :زميل ؟؟

_سعد :جنت كاعد بالاستقبال واتمعن بالاثاث شكد حلو وفخم ومرتب مثل اصحابة واني صافن وحاير شكوللها....
طبت موج علية مثل المصدومة.

_موج: سعد !!! خير شصاير؟؟ سعد ليش جاي هنا احجي شصاير وياك ؟؟

_سعد : انطتني مي وهية تسأل بية شربت مي كلاصين جنت كلش عطشان وجان الجو مال شهر السادس توة بادي الحر يقوة واني جنت افتر بالشوارع ..
تعالي كعدي موج اريد احجيلج كلشي بس بدون مقاطعة رجاءا الي بية مكفيني ..

_موج:سعد قلقتني احجي فضها .

_سعد : حجيتلها لموج كلشي من اول مخطبت وبيومها شفتها لحد مااجيتهم للباب .
وكتلها هسة اني حاير ماعرف شسوي ماعرف شلون اتصرف وخاف الفلوس يخلصن واني ملاكيلي شغلة واني جنت مصمد هلفلوس من زمان لزواجي بس هسة صار زواج وبيت واثاث واكل وشرب يادوب يكفن .. حطيت ايدي على راسي واني احجي .

_موج :انقهرت منة لان مكلي خاطب ولا جايبلي سيرة بس انقهرت عليه اكثر من شفتة مهموم حطيت ايدي على جتفة وكتلة ..
سعد انت شكد عندك فلوس.

_سعد :تقريبا مليون او اكثر ... ليش

_موج : شوف سعد اني هنا عايشة بس ويا امي ومثل مدشوف البيت كلش جبير وماكدر اعوف امي حتة لو نتزوج ..
مرة جبيرة ومريضة وكوة شايلة روحها وماعدها بالدنيا غيري ..
ف الي اريدة منك واتمنى تقنع .. انو هوة نتزوج ونعيش هنا وانت بفلوسك افتحلك فد مشروع ونتشارك بي اني وياك ونشتغل بي سوة لحد ميكبر ويصير احسن .
هاا شكلت ..؟؟

_سعد : فاجاتني موج بفكرتها هية حلوة وزينة بس مااقبلها على روحي اكعد ببيت مرتي كرامتي متسمح بس الله ينتقم من الي حرمني بيتي ...
موج انتي شتحجين شلون تقبليها علية يكولون كعيدي ... ناجر ونطلع واذا امج متكدرين تعوفيها نجيبها ويانة تعيش .واذا على المشروع اني مفكر افتح محل صغير على كدي نعيش منة .